QR OSK respýblıkalyq BAQ-tar men saıası partııalar úshin semınar ótkizedi
ASTANA. QazAqparat - QR Ortalyq saılaý komıssııasy respýblıkalyq BAQ-tar men saıası partııalar úshin 2 semınar ótkizedi. Bul týraly búgin QR Ortalyq saılaý komıssııasynyń tóraǵasy Qýandyq Turǵanqulov málim etti.
Ortalyq saılaý komıssııasy tóraǵasynyń aıtýynsha, QR OSK men aýmaqtyq saılaý komıssııalary saılaýdy uıymdastyrýshylardy oqytý jónindegi jumys aıasynda jalpy alǵanda 407 semınar, keńes, trenıng ótkizgen.
«Saılaý protsesine oblys, qala jáne aýdan deńgeıinde barlyq qatysýshylar úshin taǵy 573 semınar ótkizý josparlanýda», - dedi ol.
Sonymen qatar Q.Turǵanqulov jýyq arada QR OSK úgit naýqanyn ótkizý máseleleri jóninde eki semınar uıymdastyratyndyǵyn atap ótti.
«Bireýi - respýblıkalyq BAQ basshylary úshin, al ekinshisi - saılaýǵa qatysatyn saıası partııalardyń ókilderi úshin», - dedi OSK tóraǵasy.
