QR OSK prezıdenttikke kandıdattardy tirkeý nelikten merziminen buryn aıaqtalǵanyn túsindirdi

NUR-SULTAN. QazAqparat - Búgin QR Ortalyq saılaý komıssııasynyń ashyq otyrysy barysynda prezıdenttikke kandıdattardy tirkeý nelikten merziminen buryn aıaqtalǵany belgili boldy, dep habarlaıdy QazAqparat tilshisi.

«Kandıdattyń zańnama talaptaryna sáıkestigin anyqtaý týraly málimetterdi eki kún ishinde ýákiletti memlekettik organdardyń usynýy merzimderin qysqartý, qol qoıý paraqtaryn berý merzimderin eki kúnge deıin, sondaı-aq aımaqtyq saılaý ýchaskeleriniń qol qoıý paraqtaryn tekserý merzimderin 5 kúnge deıin qysqartý týraly OSK qabyldaǵan birqatar sheshimderi kandıdattardy tirkeý kezeńin merziminen buryn aıaqtaýǵa múmkindik berdi. Bosatylǵan ýaqyt kandıdattarǵa shtab qyzmetin uıymdastyrýmen aınalysýǵa, saılaý qorlarynda qarajatty jınaqtaýǵa jáne úgit kezeńine neǵurlym sapaly daıyndalýǵa múmkindik beredi. Osylaısha Ortalyq saılaý komıssııasy Qazaqstan Respýblıkasynyń Prezıdenttigine 7 kandıdatty tirkedi», - dedi QR OSK tóraǵasynyń orynbasary Konstantın Petrov.

Sonymen Nur Otan "partııasy" qoǵamdyq birlestiginen Qasym-Jomart Kemeluly Toqaev, "Uly dala qyrandary" respýblıkalyq qozǵalysynan Sádi-Bek Túgel, "Qazaqstan Respýblıkasynyń kásipodaqtar federatsııasynan" Amangeldi Satybaldyuly Taspıhov, "Aq jol "Qazaqstannyń demokratııalyq partııasy" qoǵamdyq birlestiginen Danııa Mádıqyzy Espaeva, "Aýyl" halyqtyq-demokratııalyq patrıottyq partııasy" qoǵamdyq birlestiginen Tóleýtaı Sataıuly Rahymbekov, "Qazaqstan kommýnıstik halyq partııasy" qoǵamdyq birlestiginen Jambyl Áýjanuly Ahmetbekov, "Ult taǵdyry" ulttyq patrıottyq qozǵalysy qoǵamdyq birlestiginen Ámirjan Saǵıdrahmanuly Qosanov prezıdenttikke kandıdat retinde tirkelgen.

«Tirkeý kezeńinen keıingi kelesi saılaý aldyndaǵy úgitti bastaý kezeńi 2019 jylǵy 11 mamyrda jergilikti ýaqyt boıynsha saǵat 18-00-den keıin bastalady», - dedi K.Petrov.