QR OSK N.Nazarbaevtyń syrtqy úgit materıaldarynyń nelikten basymdyqqa ıe ekendigin túsindirdi

ASTANA. QazAqparat - Elbasy N.Nazarbaevtyń syrtqy úgit materıaldarynyń nelikten basymdyqqa ıe ekendigi belgili boldy. Ony búgin QR Ortalyq saılaý komıssııasynyń tóraǵasy Qýandyq Turǵanqulov Qazaqstan Respýblıkasy Prezıdentiniń kezekten tys saılaýyn baıqaý jónindegi EQYU/DIAQB mıssııasynyń basshysy Kornelııa Vıllemıen Anke Ionker hanymmen kezdesý barysynda túsindirdi.

«Bir kandıdattyń syrtqy úgit materıaldarynyń nemese bılbordar men plakattarynyń aıtarlyqtaı basym bolýyn kandıdattardyń úgit-nasıhat jumystaryna arnalǵan saılaý qorlaryndaǵy somalardyń ár túrli qalyptastyrylýymen túsindirýge bolady. Prezıdenttikke kandıdat Nursultan Nazarbaevtyń saılaý qory basqa kandıdattarǵa qaraǵanda birshama kóp. Sondyqtan da onyń bılbordtardy jáne basqa da syrtqy úgit materıaldaryn daıyndaýǵa qarjy salyp, halyqqa ony kóptep usynýǵa múmkinshiligi zor», - dedi Q.Turǵanqulov.