QR OSK L.N.Gýmılev atyndaǵy EUÝ-de saılaý quqyǵynyń tarıhy jáne damýy týraly dáris ótkizdi
Іs-shara Ortalyq saılaý komıssııasy ázirlegen Jastardy quqyqtyq oqytýdyń 2012-2013 jyldarǵa arnalǵan josparyn iske asyrý aıasynda jáne 7 aqpanda atalyp ótiletin dúnıejúzilik saılaý kúni merekesine oraı ótkizildi.
L.N. Gýmılev atyndaǵy Eýrazııa ulttyq ýnıversıtetiniń strategııalyq damý jáne joǵary oqý ornynan keıingi bilim jónindegi prorektory Dıhan Kamzabekuly dáriske qatysýshylarǵa arnap quttyqtaý sóz sóıledi.
Qazaqstan Respýblıkasy Ortalyq saılaý komıssııasynyń múshesi Marat Sársembaev «Demokratııalyq saılaý quqyǵynyń tarıhy men qazirgi zamanǵy damý úrdisteri týraly» dáris oqydy.
Sodan keıin Qazaqstan Respýblıkasy Ortalyq saılaý komıssııasynyń músheleri L.Súleımen jáne M.Sársembaev aýdıtorııanyń suraqtaryna jaýap berdi, sondaı-aq jasy 18-ge tolyp, saılaýda daýys berý quqyǵyna ıe bolǵan stýdentterge kýálikter tapsyrdy.
Jas saılaýshylardy negizinen saılaýshylar tizimderin jasaý jáne naqtylaý, saılaý komıssııalaryn qurý, saılaýkom músheleriniń jumys ereksheligi, túrli saılaý rásimderin quqyqtyq retteý, onyń ishinde saılaý ýchaskesinde daýystardy sanaý jáne saılaý qorytyndylaryn anyqtaý máseleleri qyzyqtyrdy.
