QR OSK kezekten tys prezıdenttik saılaýǵa úsh úmitkerdi tirkeýden bas tartý týraly sheshim qabyldady
ASTANA. QazAqparat - Búgin QR Ortalyq saılaý komıssııasynyń otyrysy ótip, onda kezekten tys prezıdenttik saılaýǵa úmitker retinde 3 adamdy tirkeýden bas tartý týraly sheshim qabyldandy.
Atalǵan sheshimdi tanystyrǵan QR Ortalyq saılaý komıssııasynyń múshesi Lázzat Súleımen: «Sizderdiń nazarlaryńyzǵa Qanat Toqtaruly Jumandy QR Prezıdenttigine úmitker retinde tirkeýden bas tartýy týraly qaýlynyń jobasyn usynamyn. Qanat Toqtaruly Juman 1969 jyly Astana qalasynda týǵan. Týmasynan Qazaqstan Respýbılkasynyń azamaty. QR prezıdenttigine úmitkerdiń memlekettik tildi erkin meńgergendigin anyqtaý jónindegi lıngvıstkalyq komıssııanyń 2015 jylǵy 7 naýryzdaǵy 6-shy qorytyndysy negizinde Qanat Toqtaruly Juman memlekettik tildi erkin meńgermegeni anyqtaldy. Sol sebepti Qanat Toqtaruly Juman QR Konstıtýtsııasynyń jáne «Saılaý» týraly zańnyń talaptaryna sáıkes kelmeıdi dep belgilensin. Qanat Toqtaruly Jumandy Qazaqstan Respýbılkasynyń prezıdenttigine úmitker retinde tirkeýden bas tartylsyn», - dedi.
Sondaı-aq, OSK múshelerine memlekettik tildi erkin meńgergendigin dáleldeı almaǵan prezıdenttike úmitker Esenbek Japaruly Úkteshbaevqa jáne Ýálıhan Ábishuly Qaısarovqa olardyń Qazaqstan Respýblıkasynyń Konstıtýtsııasy men «Qazaqstan Respýblıkasyndaǵy saılaý týraly» Konstıtýtsııalyq zańynda kandıdattarǵa qoıylatyn talaptarǵa sáıkes kelmeýine baılanysty Qazaqstan Respýblıkasynyń Prezıdenttigine úmitkerler retinde tirkeýden bas tartý týraly usynys engizdi. Bul usynysty Ortalyq saılaý komıssııasynyń músheleri biraýyzdan qabyldap, arnaıy qaýly shyǵardy.
