QR OSK kezekten tys prezıdenttik saılaýda saılaýshylardyń qoldaryn jalǵan dep taný negizin aıqyndady
ASTANA. QazAqparat - Búgin QR Ortalyq saılaý komıssııasynyń otyrysynda kezekten tys prezıdenttik saılaýda saılaýshylardyń qoldaryn jalǵan dep taný negizin aıqyndaıtyn qaýly qabyldady.
«Sizderdiń nazarlaryńyzǵa 2015 jylǵy 26 sáýirge taǵaıyndalǵan «Qazaqstan Respýblıkasy Prezıdentiniń kezekten tys saılaýynda qol qoıý paraqtaryn tekserý barysynda saılaýshylardyń qoldaryn jalǵan dep taný negizderi týraly» qaýly jobasyn usynyp otyrmyn. Qaýly boıynsha, qol qoıý paraǵynda: birneshe adam úshin bir qolmen oryndalǵan; naqty kandıdat úshin qol qoıý paraqtarynda bir adam bir retten artyq oryndaǵan; qol qoıý paraǵyna saı derekter tolyq bolmaǵan kezde; óz qolyn keri qaıtaryp alýshy saılaýshynyń jazbasha ótinishi bolǵan kezde; belsendi saılaý quqyǵy joq adam oryndaǵan; qaıtys bolǵan adamdar úshin oryndalǵan saılaýshylardyń qoldary jalǵan bolyp tanylatyndyǵy belgilensin», - dedi qaýly mátinimen tanystyrǵan QR OSK hatshysy Baqyt Meldeshev.
Sonymen qatar ol aýmaqtyq saılaý komıssııasy qol zańdardyń talaptaryn buza otyryp alynǵany anyqtalatyn ózge jaǵdaılarda da, qoldy jalǵan dep tanýy múmkin ekendigin atap ótti. Qaýly jobasyna Ortalyq saılaý komıssııasynyń músheleri biraýyzdan daýys berdi.
