QR OSK qaýlysymen máslıhattar depýtattarynyń kezekti saılaýy taǵaıyndaldy

Qazaqstan Respýblıkasynyń Ortalyq saılaý komıssııasynyń qaýlysy

Astana qalasy, 2011 jylǵy 16 qarasha № 61/105

Qazaqstan Respýblıkasy máslıhattary depýtattarynyń kezekti saılaýyn taǵaıyndaý jáne Qazaqstan Respýblıkasy máslıhattary depýtattarynyń kezekti saılaýyn ótkizý jónindegi negizgi is-sharalardyń kúntizbelik josparyn bekitý týraly

«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń 12-baby 14) tarmaqshasynyń, 101-babynyń 1-tarmaǵy 1) tarmaqshasynyń jáne 2-tarmaǵynyń negizinde Qazaqstan Respýblıkasy Ortalyq saılaý komıssııasy QAÝLY ETEDІ:
1. 2012 jylǵy 15 qańtarǵa Qazaqstan Respýblıkasy máslıhattary depýtattarynyń kezekti saılaýy taǵaıyndalsyn.
2. Qosa berilip otyrǵan Qazaqstan Respýblıkasy máslıhattary depýtattarynyń kezekti saılaýyn ótkizý jónindegi negizgi is-sharalardyń kúntizbelik jospary bekitilsin.
3. Osy qaýly oblystyq, Astana jáne Almaty qalalyq saılaý komıssııalaryna saılaýdy ázirleý men ótkizýdi qamtamasyz etý úshin jiberilsin.
4. Osy qaýly buqaralyq aqparat quraldarynda jarııalansyn.

Qazaqstan Respýblıkasy
Ortalyq saılaý komıssııasynyń
Tóraǵasy
Q. Turǵanqulov

Qazaqstan Respýblıkasy
Ortalyq saılaý komıssııasynyń
hatshysy
B. Meldeshov

Astana, 2011 jylǵy 16 qarasha
№ 61/105

Qazaqstan Respýblıkasy

Ortalyq saılaý komıssııasynyń

2012 jylǵy 16 qarashadaǵy № 61/105

qaýlysyna qosymsha

2012 jylǵy 15 qańtarǵa taǵaıyndalǵan Qazaqstan Respýblıkasy máslıhattary depýtattarynyń kezekti saılaýyn ótkizý jónindegi negizgi is-sharalardyń

 
KÚNTІZBELІK JOSPARY
  
1. Saılaý okrýgteri boıynsha máslıhattar depýtattyǵyna kandıdattardy usyný.
 
Respýblıkalyq nemese jergilikti qoǵamdyq birlestikterdiń, olardyń qurylymdyq bólimsheleriniń joǵarǵy organdary jáne azamattar - ózin-ózi usyný jolymen.
2011 jylǵy 16 qarashada bastalady jáne saılaý kúnine bir aı qalǵanda - 2011 jylǵy 14 jeltoqsanda aıaqtalady.
(103-b.)
 
2. Saılaý ýchaskeleriniń shekaralary týraly aqparatty tıisti buqaralyq aqparat quraldarynda jarııalaý.
 
 
Tıisti ákimder. Saılaý taǵaıyndalǵannan keıin jeti kúnnen keshiktirmeı - 2011 jylǵy 23 qarashadan keshiktirmeı.
 (23-b.)
 
3. Ýchaskelik saılaý komıssııalarynyń quramyn buqaralyq aqparat quraldarynda jarııalaý.
 
Tıisti aýmaqtyq saılaý komıssııalary. Saılaý taǵaıyndalǵannan keıin jeti kúnnen keshiktirmeı - 2011 jylǵy 23 qarashadan keshiktirmeı.
(17-b.)
 
4. Saılaý okrýgteriniń tizimderin, olardyń shekaralaryn jáne okrýgtik saılaý komıssııalarynyń ornalasqan jerlerin kórsete otyryp, tıisti buqaralyq aqparat quraldarynda jarııalaý.
 
 
Aýmaqtyq saılaý komıssııalary. Saılaý taǵaıyndalǵannan keıin on kúnnen keshiktirmeı - 2011 jylǵy 26 qarashadan keshiktirmeı.
 (22-b.)
5. Okrýgtik saılaý komıssııalarynyń quramyn tıisti buqaralyq aqparat quraldarynda jarııalaý.
 
 
Tıisti aýmaqtyq saılaý komıssııalary. Saılaý taǵaıyndalǵannan keıin on kúnnen keshiktirmeı - 2011 jylǵy 26 qarashadan keshiktirmeı.
 (15-b.)
 
6. Aýmaqtyq saılaý komıssııalarynyń quramyn buqaralyq aqparat quraldarynda jarııalaý.
 
Tıisti aýmaqtyq saılaý komıssııalary. Saılaý taǵaıyndalǵannan keıin on kúnnen keshiktirmeı - 2011 jylǵy 26 qarashadan keshiktirmeı. 
 (13-b.)
 
7. Saılaýshylardyń tizimderin jasaý.
 
 
Tıisti jergilikti atqarýshy organdar, halyqty esepke alýdy júzege asyratyn organdar usynatyn málimetterdiń negizinde.
(24-b.)
 
8. Saılaýshylardyń tizimderin akt boıynsha tıisti saılaý komıssııasyna jetkizý.
 
 
Tıisti ákimder. Daýys berý bastalardan jıyrma kún buryn - 2011 jylǵy 25 jeltoqsannan keshiktirmeı.
 (24-b. 5-t.)
 
9. Máslıhat depýtattyǵyna usynylǵan kandıdattyń nazaryna onyń usynylǵany týraly sheshimdi jetkizý.
 
 
Qoǵamdyq birlestikterdiń, olardyń qurylymdyq bólimsheleriniń joǵarǵy organdary.
 (103-b. 3-t. 1) t-sha)
 
10. Máslıhat depýtattyǵyna kandıdat retinde usyný týraly sheshimdi kandıdattyń daýysqa túsýge kelisimi týraly ótinishimen birge okrýgtik saılaý komıssııasyna usyný.
 
 
Qoǵamdyq birlestikterdiń, olardyń qurylymdyq bólimsheleriniń joǵarǵy organdary, depýtattyqqa kandıdattar.
 (103-b. 3-t. 2) t-sha)
11. Máslıhat depýtattyǵyna kandıdattyń Qazaqstan Respýblıkasynyń Konstıtýtsııasynda jáne "Qazaqstan Respýblıkasyndaǵy saılaý týraly" Qazaqstan Respýblıkasynyń Konstıtýtsııalyq zańynda qoıylǵan talaptarǵa sáıkestigin anyqtaý.
 
 
Okrýgtik saılaý komıssııalary. Azamattyń ózin-ózi usyný jolymen daýysqa túsýge bergen ótinishi nemese qoǵamdyq birlestiktiń joǵarǵy organynyń kandıdatty usynýy týraly hattamasynyń kóshirmesimen qosa onyń daýysqa túsýge kelisimi týraly ótinishi túsken sátten bastap úsh kún ishinde.
(103-b. 8-t.)
 
12. Turǵylyqty jeri boıynsha salyq organdaryna 2011 jylǵy 1 qarashaǵa Qazaqstan Respýblıkasynyń ýákiletti memlekettik organy belgilegen tártippen jáne nysanda tabysy men múlki týraly deklaratsııa tapsyrý.
 
 
Kandıdat pen onyń jubaıy (zaıyby). Kandıdat tirkelgenge deıin.
 (104-b. 1-1-t.)
 
13. Máslıhat depýtattyǵyna kandıdattardy tirkeý jáne árqaısysyna tıisti kýálik berý.
 
 
Okrýgtik saılaý komıssııalary. 2011 jylǵy 16 qarashada bastalady jáne saılaý kúnine jıyrma bes kún qalǵanda - 2011 jylǵy 20 jeltoqsanda aıaqtalady.
 (104-b. 8-t.)
 
14. Máslıhat depýtattyǵyna kandıdatty tirkeý týraly hattama jasaý jáne ony tıisti aýmaqtyq saılaý komıssııasyna tabys etý.
 
 
Okrýgtik saılaý komıssııalary. Bes kúndik merzimde.
 (104-b. 5-t.)
 
15. Máslıhat depýtattyǵyna kandıdattardy tirkeý týraly habardy jergilikti buqaralyq aqparat quraldarynda jarııalaý.
 
 
Okrýgtik saılaý komıssııasy. Kandıdattardy tirkegennen keıin jetinshi kúnnen keshiktirmeı.
 (104-b. 6-t.)
16. Kandıdat pen onyń jubaıy (zaıyby) jarııalaǵan tabysy jáne múlki týraly málimetterdiń durystyǵyn tekserý.
 
 
Salyq qyzmeti organdary. Kandıdat tirkelgen kúnnen bastap on bes kún ishinde.
 (104-b. 1-1-t.)
 
17. Okrýgtik saılaý komıssııalarynda saılaý qorlaryn tirkeý.
 
 
Máslıhattardyń depýtattyǵyna kandıdattar, olardyń senim bildirgen adamdary. Kandıdattyń tıisti okrýgtik saılaý komıssııalaryna ótinish jasaǵan sátinen bastap bir kúntizbelik kún ishinde (Qazaqstan Respýblıkasy Ortalyq saılaý komıssııasynyń 19.08.2011 j. № 7/8 qaýlysy).
 (34-b. 2-t.)
 
18. Máslıhattar depýtattyǵyna kandıdattardyń saılaý qorlarynyń arnaýly ýaqytsha shottaryn ashý.
 
 
Okrýgtik saılaý komıssııalary. Kandıdat tirkelgennen keıin.
 (34-b. 6-t.)
 
19. Máslıhat depýtattyǵyna kandıdattardyń senim bildirgen adamdaryn tirkeý jáne árqaısysyna tıisti kýálik berý.
 
 
Okrýgtik saılaý komıssııalary. Senim bildirilgen adamdardyń tizimderi tirkeý úshin tapsyrylǵannan keıin.
 (31-b.)
 
20. Saılaý aldyndaǵy úgit.
 
 
Kandıdattardy tirkeý merzimi aıaqtalǵan sátten bastalyp, saılaý bolatyn kúnniń aldyndaǵy kúngi jergilikti ýaqyt boıynsha nól saǵatta aıaqtalady (2011 jylǵy 21 jeltoqsanda bastalady jáne 2012 jylǵy 13 qańtarda 24 saǵatta aıaqtalady).
 (27-b. 2-t.)
 
21. Úgittik baspa materıaldaryn ornalastyrý úshin oryndardy belgileý jáne olardy jaraqtandyrý.
 
 
Jergilikti atqarýshy organdar jáne tıisti aýmaqtyq saılaý komıssııalary. Saılaý taǵaıyndalǵan kúnnen bastap saılaý aldyndaǵy úgit bastalǵanǵa deıin.
 (28-b. 6-t.)
 
22. Kandıdattarǵa saılaýshylarmen kezdesýi úshin sharttyq negizde úı-jaı berý.
Bólingen úı-jaıda kandıdattardyń saılaýshylarmen kezdesýler kestesin jasaý jáne ony buqaralyq aqparat quraldarynda jarııalaý.
 
 
Jergilikti atqarýshy organdar jáne jergilikti ózin-ózi basqarý organdary. Tıisti aýmaqtyq saılaý komıssııalary. Saılaý aldyndaǵy úgitti júrgizý kezeńinde.
 (28-b.4-t.)
 
23. Saılaý ýchaskeleri boıynsha saılaýshylar tizimderin tanysý úshin saılaýshylarǵa usyný.
 
 
Ýchaskelik saılaý komıssııalary. Daýys berý kúnine deıin on bes kún qalǵanda - 2011 jylǵy 30 jeltoqsannan keshiktirmeı.
 (26-b. 1-t.)
 
24. Saılaý ýchaskelerinde daýys beretin ýaqyt pen oryn týraly saılaýshylardy habardar etý.
 
 
Ýchaskelik saılaý komıssııalary. Daýys berý ótkiziletin kúnge deıin on kúnnen keshiktirmeı - 2012 jylǵy 4 qańtardan keshiktirmeı.
(38-b. 2-t.)
 
25. Jekelegen saılaý ýchaskelerinde, qajet bolǵan jaǵdaıda, daýys berýdi bastaýdyń jáne aıaqtaýdyń basqa ýaqytyn belgileý jáne ol týraly sheshimdi saılaýshylardyń nazaryna jetkizý.
 
 
Aýmaqtyq saılaý komıssııalary.
 (38-b. 1-t.)
 
26. Saılaý okrýgi boıynsha saılaý nátıjeleri anyqtalatyn okrýgtik saılaý komıssııasynyń otyrysyn ótkizý úshin, otyrys orny men ýaqyty týraly málimetterdi buqaralyq aqparat quraldarynda jarııalaı otyryp, saılaý ýchaskesin aıqyndaý.
 
 
Okrýgtik saılaý komıssııalary. Daýys berý kúnine deıingi on kúnnen keshiktirmeı - 2012 jylǵy 4 qańtardan keshiktirmeı.
 (43-b. 8-1-t.)
 
27. Saılaý bıýlletenderin ýchaskelik saılaý komıssııalaryna jetkizý.
 
 
Aýmaqtyq jáne okrýgtik saılaý komıssııalary. Saılaýdan kem degende bir kún buryn - 2012 jylǵy 13 qańtardan keshiktirmeı.
(37-b. 3-t.)
 
28. Daýys berýge arnalǵan saılaý ýchaskelerin ashý jáne tıisti hattama jasaý.
 
 
Ýchaskelik saılaý komıssııalary. Daýys berý bastalardan bir saǵat buryn. (2012 jylǵy 15 qańtarda jergilikti ýaqyt boıynsha saǵat 6-00-de)
 (40-b.)
 
29. Daýys berýdi ótkizý .
 
 
Ýchaskelik saılaý komıssııalary. Eger daýys berý ýaqyty ózgertilmegen bolsa, saılaý kúni, 2012 jylǵy 15 qańtarda jergilikti ýaqyt boıynsha saǵat 7-00-den 20-00-ge deıin.
(38-b. 1-t., 42-b.)
 
30. Saılaý ýchaskesinde daýystardy sanaý jáne daýystardy sanaý týraly hattama jasaý.
 
 
Ýchaskelik saılaý komıssııalary. Eger daýys berý ýaqyty ózgertilmegen bolsa, jergilikti ýaqyt boıynsha saǵat 20-00-de bastalady.
(43-b.)
 
31. Hattamanyń kóshirmesin jurtshylyqtyń tanysýy úshin saılaý ýchaskesiniń úı-jaıyndaǵy arnaıy belgilengen orynǵa ilý.
 
 
Ýchaskelik saılaý komıssııalary. Daýystardy sanaý aıaqtalysymen - dereý.
 (43-b. 8-t.)
 
32. Daýystardy sanaý nátıjeleri týraly hattamany tıisti okrýgtik saılaý komıssııasyna usyný.
 
 
Ýchaskelik saılaý komıssııalary. Daýystardy sanaý aıaqtalyp, hattama jasalǵannan keıin - dereý.
(108-b. 1-t.)
 
33. Saılaý okrýgi boıynsha máslıhat depýtatyn saılaýdyń nátıjelerin belgileý, tıisti hattama jasaý jáne ony tıisti aýmaqtyq saılaý komıssııasyna usyný.
 
 
Okrýgtik saılaý komıssııalary. Saılaý ótkizilgen kúnnen bastap ekikúndik merzimnen asyrmaı - 2012 jylǵy 18 qańtardan keshiktirmeı.
 (108-b. 2-t.)
 
34. Saılaý okrýgi boıynsha saılaý nátıjeleri týraly hattamanyń kóshirmesin jalpyjurttyń tanysýy úshin okrýgtik saılaý komıssııasynyń otyrysy ótkizilgen saılaý ýchaskesiniń úı-jaıynda ilý.
 
 
Okrýgtik saılaý komıssııalary. Daýystardy sanaý aıaqtalyp, hattama jasalǵannan keıin - dereý.
  (43-b. 8-1-t.)
 
35. Saılaý ýchaskelerindegi daýystardy sanaýdyń nátıjeleri týraly aldyn ala jıyntyq tizimdemeni jalpyjurttyń tanysýy úshin otyrys ótken saılaý ýchaskesiniń úı-jaıynda ilý.
 
 
Okrýgtik saılaý komıssııalary. Daýys berý kúninen bastap bes kúnnen keshiktirmeı - 2012 jylǵy 20 qańtardan keshiktirmeı.
  (43-b. 8-2-t.)
 
36. Okrýg boıynsha saılaý nátıjeleri týraly habardy buqaralyq aqparat quraldarynda jarııalaý.
 
 
Okrýgtik saılaý komıssııalary.
 (16-b. 9) t-sha)
 
37. Máslıhat depýtattaryn saılaýdyń qorytyndylaryn anyqtaý.
 
 
Aýmaqtyq saılaý komıssııalary. Saılaý ótkizilgen kúnnen bastap bes kúndik merzimnen keshiktirmeı - 2012 jylǵy 20 qańtardan keshiktirmeı.
  
  (111-b. 1-t.)
38. Máslıhat depýtattaryn saılaýdyń qorytyndylary týraly habardy buqaralyq aqparat quraldarynda jarııalaý.
 
 
Aýmaqtyq saılaý komıssııalary. Saılaý ótkizilgen kúnnen bastap jeti kúnnen keshiktirmeı - 2012 jylǵy 22 qańtardan keshiktirmeı.
 
(44-b. 4-t. 2) t-sha)
 
39. Kandıdattardyń saılaý qorlaryna kelip túsken aqshanyń jalpy somasy jáne onyń kózderi týraly aqparatty buqaralyq aqparat quraldarynda jarııalaý.
 
 
Okrýgtik saılaý komıssııalary. Saılaý qorytyndylary jarııalanǵannan keıin on kún ishinde - 2012 jylǵy 1 aqpannan keshiktirmeı.
 (34-b. 4-t.)
 
40. Saılanǵan máslıhattar depýtattaryn tirkeý, tıisti kýálikter berý.
 
 
Aýmaqtyq saılaý komıssııalary.
(46-b. 3-t., 112-b. 1-t.)
 
 
 
Eskertpe: kúntizbelik jospardyń mátininde «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýtsııalyq zańynyń normalaryna siltemeler berildi.