QR OSK basty mindetin abyroımen atqaryp keledi - Qasym-Jomart Toqaev
ASTANA. QazAqparat - Qazaqstannyń Ortalyq saılaý komıssııasy shırek ǵasyr boıy óziniń basty mindetin abyroımen atqaryp keledi. Mundaı pikirdi búgin elordada ótip jatqan QR Ortalyq saılaý komıssııasynyń 25 jyldyǵyna arnalǵan halyqaralyq konferentsııa qatysýshylaryna quttyqtaý joldaǵan QR Parlamenti Senatynyń tóraǵasy Qasym-Jomart Toqaev bildirdi, dep habarlaıdy QazAqparat tilshisi.
«Ortalyq saılaý komıssııasynyń qalyptasýy Qazaqstannyń táýelsizdikke ıe bolyp, memlekettiligin nyǵaıtý tarıhymen tikeleı baılanysty. Shırek ǵasyrlyq kezeńde komıssııa óziniń basty mindetin abyroımen atqaryp keledi. Elbasy Nursultan Nazarbaev «Demokratııa myń jyldyq sharýa. Ony bir kúnde attap ótpeımiz» degendeı ishki turaqtylyq pen sarabdal syrtqy saıasatty baǵdar etip, álemge ashyq damýdyń jolyn tańdap alǵan Qazaqstan bedeldi halyqaralyq uıymdardyń múshesi retinde negizgi demokratııalyq qaǵıdalardy berik ustanady», - dep atap ótedi Senat spıkeri.
Sonymen qatar ol halyqaralyq uıymdar men shet memleketterdiń Qazaqstanda ótkiziletin saılaýlarǵa qyzyǵýshylyq tanytýy jáne sheteldik baıqaýshylardyń oń baǵalary elimizdegi saılaý júıesi deńgeıiniń joǵary ekendigin kórsetetindigin atap ótti.
«Búgingi keleli jıynda saılaý júıesin jetildirý jáne osy mańyzdy saladaǵy halyqaralyq standarttardy jaqsartý baǵytyndaǵy salmaqty pikir almasý jáne syndarly usynystar aıtylady dep kámil senemiz. QR Ortalyq saılaý komıssııasynyń qyzmetine tabys tileımin», - dedi Qasym-Jomart Toqaev.
Aıta keteıik, QR Parlamenti Senatynyń tóraǵasy Qasym-Jomart Toqaevtyń quttyqtaý sózin onyń orynbasary Bektas Beknazarov oqyp berdi.
Eki kúnge sozylatyn sharaǵa Ázerbaıjan, Reseı, Latvııa, Lıtva, Tájikstan, Grýzııa, Qyrǵyzstan syndy elderdiń Ortalyq saılaý komıssııalarynyń tóraǵalary qatysýda. Konferentsııa aıasynda QR Ortalyq saýlaý komıssııasy men Ázerbaıjannyń Ortalyq saılaý komıssııasy jáne Iordanııanyń Táýelsiz saılaý komıssııasy arasynda ózara túsinistik týraly memorandýmǵa qol qoıylmaq.
Osyǵan deıin Nursultan Nazarbaev qazaqstandyqtardy elimizdiń saılaý júıesiniń 25 jyldyǵymen quttyqtaǵan bolatyn.
