QR OSK BAQ ókilderine saılaý naýqanyna oraı semınar ótkizdi (FOTO)

ASTANA. QazAqparat - Búgin QR Ortalyq saılaý komıssııasy BAQ basshylaryna saılaýdy aqparattyq súıemeldeý jáne saılaý aldyndaǵy úgitti júzege asyrý erejesin saqtaý máseleleri jóninde semınar ótkizdi.

Semınar barysynda Ortalyq saılaý komıssııasynyń múshesi Lázzat Súleımen negizgi baıandama jasap, buqaralyq aqparat quraldarynyń ókilderin elektorattyq kezeńdegi BAQ qyzmetin uıymdastyrýǵa qatysty saılaý zańnamasynyń erejeleri, partııalar men kandıdattardyń saılaý aldyndaǵy úgitin buqaralyq aqparat quraldary arqyly júzege asyrýdyń tártibi men sharttary týraly aqparattandyryp, saılaý naýqany barysyn jarııalaýdyń negizgi qaǵıdalaryna kóńil bóldi.
«Saılaý aldyndaǵy úgit kezeńinde BAQ qyzmetin retteý - saılaý protsesiniń ashyqtyǵyn, jarııalyǵyn jáne ádildigin qamtamasyz etýdiń mańyzdy bóligi bolyp tabylady», - dep atap ótti ol.
.Al QR Investıtsııalar jáne damý mınıstrligi Baılanys, aqparattandyrý jáne aqparat komıtetiniń tóraǵasy T.Qazanǵap ókiletti organnyń qyzmeti týraly aıtty. Sondaı-aq BAQ-tyń saılaý protsesindegi jáne qoǵamdy onyń barysy týraly aqparattandyrýdaǵy mańyzdy rólin atap ótti.
QR Bas prokýratýrasynyń Áleýmettik-ekonomıkalyq salanyń zańdylyǵyn qadaǵalaý departamenti basshysynyń orynbasary N.Súıindikov úgit júrgizý naýqanyn quqyqtyq retteý máselelerin aıqyndap berip, atalǵan másele boıynsha quqyq qoldaný tájirıbesi týraly aıtty.
Pikir almasý barysynda saılaý zańnamasy normalarynyń saqtalýyn tıimdi qamtamasyz etý, buqaralyq aqparat ókilderi saılaý naýqanyn nemese saılaý aldyndaǵy úgitti júrgizýdi jarııalaýda Saılaý týraly zańnyń talaptaryn buzýshylyqtardy aıqyndaý jáne boldyrmaý joldary men ádisteri tájirıbelik úlgilerde qaraldy.Buqaralyq aqparat quraldardyń ókilderi BAQ-tyń saılaý organdarymen jáne saılaý protsesine qatysýshylarmen ózara is-qımyl tetikterine qatysty ózderiniń usynystary men tilekterin aıtyp, saılaý zańnamasynyń BAQ-ta saılaý aldyndaǵy úgitti júzege asyrý tártibin retteıtin normalaryn iske asyrý ádisterin talqylady