QR OSK aýyl ákimine kandıdattarǵa qoıylatyn talaptardy jarııalady
«Aýyldyq mańyzy bar qala, aýyl, kent, aýyl okýrgi ákimi bolyp saılaný úshin QR azamaty «Saılaý týraly» Konstıtýtsııalyq zańda, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly» Zańynyń 36-babynda jáne memlekettik qyzmet salasyndaǵy zańnamada kózdelgen mynadaı talaptarǵa sáıkes kelýge tıis. Birinshi, 25 jasqa tolǵandyǵy. Ekinshi, zańda belgilengen tártippen tanylǵan is-áreketke qabilettiligi, sottylyǵynyń bolmaýy jáne sybaılas jemqorlyq qylmys,sybaılas jemqorlyq quqyq buzýshylyq jasaýynyń bolmaýy. Úshinshi, QR memlekettik qyzmet salasyndaǵy zańnamasynyń talaptaryna sáıkestigin tıisti aýdandyq saılaý komıssııasy usynǵan qujattar negizinde memlekettik qyzmet ister jónindegi ýákiletti organ anyqtaıdy»,- dedi komıssııa múshesi OSK otyrysy barysynda.
Sonymen qatar ol aýyl ákimine kandıdattyń sáıkestigin anyqtaý qalaı júrgiziletindigin de egjeı-tegjeıli aıtyp berdi.
«Aýmaqtyq saılaý komıssııasy kandıdat usynylǵannan keıin kandıdattyń zańdarda qoıylatyn talaptarǵa sáıkestigin anyqtaý protsesine dereý kirisedi. Ol úshin azamattyǵyn anyqtaý maqsatynda Іshki ister organdaryna, zańda belgilengen tártippen ótelmegen nemese alynbaǵan sottylyǵyn, zańda belgilengen tártippen tanylǵan sybaılas jemqorlyq qylmysynyń,sybaılas jemqorlyq quqyq buzýshylyǵynyń bolmaýyn prokýratýra organdarynan, kandıdattardyń memlekettik qyzmet týraly zańnyń talaptaryna sáıkes jáne osy laýazymǵa qoıylatyn biliktilik talaptaryna sáıkestigin belgileý turǵysynan Memlekettik qyzmet isteri jónindegi aýdandyq departamentterge tıisti suraýlar jiberiledi. Jumysqa tartylǵan joǵaryda atalǵan memlekettik organdar jedel tártippen derekterdiń tıisti deńgeıde tekserilýin jáne nátıjelerin aýmaqtyq komıssııalarǵa dereý usynylýyn qamtamasyz etý qajet», - dedi Erlan Daýylbaev.