QR OSK aýa raıynyń qolaısyzdyǵyna oraı daýys berý quqyǵyn esepten shyǵarý kýáligin berý qaǵıdalaryna ózgertý engizdi
QR Ortalyq saılaý komıssııasy tóraǵasynyń orynbasary Vladımır Foostyń aıtýynsha, qaǵıdalardyń qoldanystaǵy redaktsııasy tizimge engizilgen saılaýshylardyń sanynyń 1 paıyzyn esepke ala otyryp, daýys berý quqyǵyna arnalǵan esepten shyǵarý kýálikterin daıyndaý qarastyrylǵan. Degenmen, saılaý zańnamasyna júrgizilgen monıtorıng atalǵan normanyń «Qazaqstan Respýblıkasyndaǵy Saılaý týraly» 1995 jylǵy 28 qyrkúıektegi Konstıtýtsııalyq zańynyń erejelerimen tolyq úılespeıtindigin kórsetken.
«Bul erejelerge esepten shyǵarý kýáligin daıyndaý boıynsha buǵan deıin bekitilgen 1 paıyzdyq tosqaýyldy alyp tastaý usynylady. 1 paıyzdyq san saılaýshylardyń saılaý quqyǵyn shekteıdi. Sondyqtan ishki jumys kúshiniń kósh-qonyna baılanysty saılaýshylardyń bir bóligi óziniń saılaý ýchaskesinen tysqary jerde daýys berý múmkindigine ıe bolady. Qazirdiń ózinde jergilikti jerlerden esepten shyǵarý kýáliginiń jetpeı qalý múmkindigi jaıynda aqparattar túsýde», - dedi V.Foos.
Sonymen qatar ol aýa raıynyń qolaısyzdyǵyna jáne sý tasqynyna baılanysty birqatar óńirlerdegi saılaýshylar óz saılaý ýchaskesinen tysqary jerde daýys beretindigin atap ótti.
