QR OSK 9 sheteldik baıqaýshyny akkredıttedi
ASTANA. QazAqparat - Búgin QR Ortalyq saılaý komıssııasynyń otyrysynda kezekten tys QR Prezıdenti saılaýyna 9 sheteldik baıqaýshyny akkredıtteý týraly qaýly qabyldandy.
«Sizderdiń nazarlaryńyzǵa 2015 jyldyń 26 sáýirine belgilengen kezekten tys QR Prezıdenti saılaýyna shet memleketterden jáne halyqaralyq uıymdardan baıqaýshylardy akkredıtteý týraly qaýly jobasy usynylyp otyr. Kanada, Lıtva, Fınlıandııa jáne Chehııa Respýblıkalarynan bir-birden, sonymen qatar TMD baıqaýshylar mıssııasy ókilderin akkredıtteýdi usynamyn. Olardyń qatarynda 5 baıqaýshy bar. Mıssııa quramynda bizdiń áriptesimiz, Belarýs Ortalyq saılaý komıssııasynyń tóraıymy Ermoshına Lıdııa Mıhaılovna da bar ekendigin atap ótkim keledi. Jalpy, búgin biz 9 baıqaýshyny akkredıtteımiz», - dedi qaýly jobasyn tanystyrǵan QR OSK múshesi Tatıana Ohlopkova.
QR Ortalyq saılaý komıssııasy atalǵan qaýly jobasyn biraýyzdan maquldady.
