QR OSK 110 baıqaýshyny akkredıttedi

ASTANA. QazAqparat - Búgin Ortalyq saılaý komıssııasy 2016 jylǵy 20 naýryzǵa taǵaıyndalǵan Qazaqstan Respýblıkasy Parlamenti Májilisi depýtattaryn saılaýǵa halyqaralyq uıymdardan jáne shet memleketten baıqaýshylardy akkredıtteý týraly qaýly qabyldady.

Qaýly jobasyn tanystyrǵan QR OSK múshesi Tatıana Ohlopkovanyń aıtýynsha, qujatqa sáıkes Ortalyq saılaý komıssııasy Qazaqstan Respýblıkasy Syrtqy ister mınıstrliginiń usynysymen saılaýdy baıqaý jónindegi eki mıssııadan jáne bir halyqaralyq uıymnan 110 baıqaýshyny akkredıtteıdi.

«Olardyń ishinde 34 baıqaýshy - TMD baıqaýshylary mıssııasynan, 1-eýi - ShYU mıssııasynan, 75-i - EQYU-nyń Parlamenttik Assambleıasynan», - dedi T.Ohlopkova.

Aıta keterligi, sheteldik baıqaýshylardy akkredıtteý 14 naýryzǵa deıin jalǵasady.