QR Ortalyq saılaý komıssııasynyń tóraǵasy Túrkistan oblysynyń turǵyndarymen kezdesti
Ortalyq saılaý komıssııasynyń tóraǵasy aldymen Qoja Ahmet ıAsaýı atyndaǵy HQTÝ-dyń májilis zalynda BAQ, saıası partııalar, úkimettik emes uıymdar ókilderimen, qoǵam belsendilerimen, el aqsaqaldarymen kezdesti. Jıynda saılaý protsesteri boıynsha oramdy oılar aıtylyp, suraqtar qoıyldy.
Túrkistandyq aqsaqaldar saılaýdy ádil ótkizý baǵytyndaǵy jumystardy kúsheıtýge qatysty usynystaryn jetkizdi. Al «Shapaǵat» múgedekterdiń qaıyrymdylyq qorynyń tóraǵasy Erkinbaı Shaltan depýtattyq korpýsqa buryn basshy bolǵandardy ǵana emes, eńbek adamdaryn, muǵalimderdi, ǵalymdardy, jalpy túrli mamandyq ıelerin kóptep tartý jóninde pikir bildirdi.
Nurlan Ábdirov Túrkistandaǵy oblystyq «Jastar resýrstyq ortalyǵynda» óńirdiń belsendi jastarymen kezdesti. Jıyn barysynda ol memleketti órkendetýde, saıası protsesterdi júrgizýde jastardyń belendiligi mańyzdy ekenin jetkizdi.
«Túrkistan – erekshe óńir. Tarıhı máni zor aımaq. Búgin óńirdiń el aǵalarymen, belsendilerimen kezdestim. Maqsatymyz – saılaý protsesine qatysty eldiń usynysyn, pikirlerin bilý. Aşy pikirler, túrli usynystar aıtyldy. Al qazir jastarmen, ıaǵnı ózderińizben ádeıi bólek kezdesýdi jón kórdim. Keıde jastar «saılaýǵa barmaımyn» dep nemquraıdylyq tanytady. Durys emes qadam. Kerisinshe saılaýǵa qatysyp, óz ustanymyn bildirgenderi jón. Memleket basshysy Qasym-Jomart Toqaev saılaýlar ashyq ótýi tıis ekenin aıtyp, naqty tapsyrmalar júktedi. Osy baǵytta qoǵam pikirin bilý úshin elimizdiń barlyq óńirin aralap, jurtshylyqpen erkin suhbat quryp júrmin. Árbir suraq pen usynys arnaıy tirkelip, tıisti saraptama jasalady», – dedi ol.
Túrkistan oblysynyń jastary arnaıy júzdesýge kelgen tóraǵaǵa rızashylyqtaryn bildirip, baıqaýshylardyń biliktiligin arttyrý, quqyǵyn qorǵaý, elektrondy daýys berý júıesin qoldaný, saılanbaly organdarda zeınet jasyndaǵylarǵa emes, orta býyn men jastarǵa kóbirek múmkindik berý jáne ózge de máselelerdi qozǵap, usynystaryn jetkizdi.
