QR Óńirlik damý mınıstrliginde jańa vıtse-mınıstrler taǵaıyndaldy

ASTANA. 2 aqpan. QazAqparat - QR Úkimetiniń Qaýlysymen Qaıyrbek Aıtbaıuly Óskenbaev Qazaqstan Respýblıkasy Óńirlik damý mınıstriniń birinshi orynbasary, Serik Keńesuly Nókın men Serik Maqashuly Jumanǵarın vedomstvonyń vıtse-mınıstrleri bolyp taǵaıyndaldy.

Bul týraly mınıstrliktiń baspasóz qyzmeti habarlady.

Q. Óskenbaev 1964 jyly týǵan. KSRO Іshki ister mınıstrliginiń Qaraǵandy joǵary mektebin, L.N.Gýmılev atyndaǵy Eýrazııa ulttyq ýnıversıtetiniń Dıplomatııalyq akademııasyn bitirgen. Ekonomıka ǵylymdarynyń kandıdaty. Indýstrııa jáne saýda, Týrızm jáne sport mınıstrlikterinde basshylyq qyzmetter atqardy. Osy taǵaıyndaýǵa deıin «QazMunaıGazServıs» AQ bas dırektorynń orynbasary bolyp eńbek etti.

S. Nókın 1959 jyly týǵan. Saratov joǵary áskerı-ınjenerlik hımııalyq qorǵaý ýchılışesin, T.Rysqulov atyndaǵy Qazaq ekonomıkalyq ýnıversıtetin bitirgen. Ár jyldary Atyraý oblysy ákiminiń orynbasary, Aqtóbe qalasynyń ákimi, Aqtóbe oblysy ákiminiń orynbasary, QR Indýstrııa jáne saýda mınıstrliginiń Qurylys isteri jáne TKSh komıtetiniń tóraǵasy boldy. Osy taǵaıyndaýǵa deıin QR Qurylys isteri jáne turǵyn úı-kommýnaldyq sharýashylyq agenttigin basqardy.

S. Jumanǵarın 1972 jyly týǵan. Máskeý energetıka ınstıtýtyn, E.A.Bóketov atyndaǵy Qaraǵandy memlekettik ýnıversıtetin bitirgen. Indýstrııa jáne saýda, Ekonomıkalyq damý jáne saýda mınıstrlikterinde basshylyq qyzmetterde boldy.