QR Óńirlik damý mınıstri Ońtústik Qazaqstan oblysynda ındýstrııalyq aımaqtardy damytý máseleleri boıynsha keńes ótkizdi
Bul týraly QR Óńirlik damý mınıstrliginiń baspasóz qyzmetinen habarlaıdy.
Mınıstr 2010 jyly «Bıznestiń jol kartasy-2020» baǵdarlamasynyń sheńberinde qurylǵan Shymkent qalasyndaǵy «Ońtústik» ındýstrııalyq aımaǵyn aralady. Indýstrııalyq aımaqtyń aýmaǵynda jalpy somasy 46 mlrd. teńgege shamamen 6 myń jańa jumys oryndaryn qurýmen 63 joba iske asyrylýda. Qazirgi ýaqytta 13,8 mlrd. teńge somaǵa 31 joba iske asyryldy jáne 2 300 jańa jumys oryndary quryldy.
B.Jámishev osy aımaq aýmaǵyndaǵy «Spirit Kazakhstan» JShS, «ıÝgRegıonPlast» JShS, «Ferrum Vtor» JShS, «Fırma Dana» JShS jáne «HILL Corporation» JShS-da bolyp, onda atalǵan kásiporyndardyń shyǵaratyn ónimderimen tanysty.
Odan ári oblys ákimdiginde mınıstr Qazaqstan Respýblıkasy óńirlerimen ındýstrııalyq aımaqtardy damytý jáne qarjylandyrý máseleleri jóninde selektorlyq keńes ótkizdi. Sonymen, «Bıznestiń jol kartasy-2020» baǵdarlamasynyń sheńberinde atalmysh mınıstrlik aǵymdaǵy jyly 3 oblysta 15 ındýstrııalyq aımaqtarǵa - Aqtóbe oblysynda - 1, Qyzylorda oblysynda - 4 jáne Ońtústik Qazaqstan oblysynda - 10 ındýtrııalyq aımaqqa qarjy bóldi. Agroónerkásip aımaqtaryn qurý boıynsha jumystardy qorytyndylaı kele, mınıstr munda shaǵyn jáne orta bıznes damıtyndyǵyn, úlken jobalar Qazaqstan Respýblıkasy Aýyl sharýashylyǵy mınıstrligi jáne «QazAgro» ulttyq basqarýshy holdıngi» aktsıonerlik qoǵamynyń qoldaý sharalarymen iske asyrylýy qajet ekenin, al shaǵyn jobalar agroóndiristik aımaqta klaster retinde damıtyndyǵyn atap kórsetti.
Keńestiń sońynda B.Jámishev oblystar, Astana jáne Almaty qalalary ákimderine mınıstrlikke aǵymdaǵy jylǵy 1 sáýirde ár oblystardaǵy ındýstrııalyq aımaqtardy qurý boıynsha bıýdjettik ótinimderdi joldaýdy tapsyrdy.
Kúnniń ekinshi jartysynda Bolat Jámishev «Golden Nomad» JShS-nyń erlerge arnalǵan klassıkalyq kostıýmder tigetin tigin tsehyna, dıskilik ysyrmalar óndiretin «KARLSKRONA LC AB» JShS zaýytyna jáne medıtsınalyq maqsattaǵy buıymdardy shyǵaratyn «Ekofarm» JShS zaýytyna bardy.
Sonymen qatar, Bolat Jámishev kásipkerlerge qyzmet kórsetý ortalyǵynyń qyzmetimen tanysyp, ákimderdiń orynbasarlarymen, jer qatynastary basqarmalarynyń jáne Ońtústik Qazaqstan, Jambyl jáne Qyzylorda oblystarynyń aýmaqtyq jer ınspektsııalarynyń jetekshilerimen jer qatynastary jáne qurylys salasyndaǵy problemalyq máseleler jóninde keńes ótkizdi. Keńeske qatysýshylar jer resýrstaryn tıimdi paıdalaný salasynda memlekettik baqylaýdy odan ári arttyrý, aýyl sharýashylyǵy aınalymyna tartylǵan jerlerge tıimdi túgendeý júrgizý máselelerin, sonymen qatar, jer zańnamasy salasyndaǵy negizgi zańnamalyq bastamashyldyqty talqylady.
Keńestiń qorytyndysy boıynsha kezdesý barysynda daıyndalǵan barlyq usynystar men usynymdar jer zańnamasyn jetildirýde eskeriletini atap kórsetildi.
