QR Ombýdsmeni Seýldegi qartaıý máselelerine arnalǵan konferentsııaǵa qatysty

ASTANA. QazAqparat - 18-21 qyrkúıek aralyǵynda Seýl qalasynda (Koreıa Respýblıkasy) qartaıý máseleleri boıynsha ІІ ASEM (Azııa-eýropalyq keńes) konferentsııasy ótip, onyń barysynda qart adamdardyń quqyqtaryn qamtamasyz etýdiń ózekti máseleleri qaraldy, dep habarlady Qazaqstan Respýblıkasyndaǵy Adam quqyqtary jónindegi ýákildiń baspasóz qyzmeti.

Konferentsııa aıasynda 2017-2019 jyldarǵa arnalǵan strategııalyq is-qımyl josparynyń erejeleri talqylanǵan (GANHRI) qartaıý máseleleri boıynsha, Ǵalamdyq alıanstyń ulttyq quqyq qorǵaý mekemeleri jumys tobynyń otyrysy ótti. Osy qujattyń maqsaty - egde jastaǵy adamdardyń ulttyq jáne halyqaralyq deńgeılerdegi quqyqtaryn kóterý, tájirıbe almasý jáne osy baǵytta eń ozyq tájirıbeni paıdalaný úshin tıisti ınstıtýttardyń tıimdiligin arttyrý bolyp tabylady.

Sondaı-aq, qartaıý máselesi boıynsha ASEM janynda Jahandyq ortalyq qurý jóninde dóńgelek ústel ótkizildi, onyń nátıjeleri syrtqy ister mınıstrleri men ASEM músheleriniń kezekti kezdesýiniń qaraýyna usynylady.

Forým barysynda QR Ombýdsmeni sheteldik áriptesterdi «Qazaqstan-2050» Ult josparyn, «100 naqty qadam», Qazaqstannyń sońǵy jetistikteri turǵysynan strategııalyq baǵdarlamalardy iske asyrý, sondaı-aq qarttardyń ómir súrý sapasynyń negizgi baǵyttarymen tanystyrdy. Qatysýshylar halyqaralyq yntymaqtastyqty odan ári nyǵaıtý jáne adam quqyqtarynyń prızmasy arqyly tıimdi sharalar ázirleý qajettiligi týraly ortaq pikir bildirdi.