QR Olımpıadalyq komandasynyń boıtumar-keıipkerine konkýrs jarııalandy
ASTANA. QazAqparat - Qazaqstannyń Olımpıadalyq komandasynyń boıtumaryn ázirleý boıynsha baıqaý jarııalandy, dep habarlaıdy QazAqparat.
Qazaqstannyń Ulttyq Olımpıadalyq komıteti jarııalaǵan baıqaýdyń negizgi maqsaty - olımpıadalyq qozǵalys pen salaýatty ómir saltyn jáne sportty shyǵarmashylyq arqyly nasıhattaý.
Boıtumar Qazaqstan sportynyń tarıhy men Olımpızm ıdeologııasynan habar beretin, qandaı da bir prototıpten nemese oıdan qurastyrylǵan keıipker bolýy tıis.
Baıqaýǵa qatysýshylar atalǵan taqyrypqa baılanysty grafıkalyq sýretterin tehnıkalyq talaptarǵa saı oryndap, boıtumardyń aty men sıpattamasyn, onyń neni bildiretinin jáne Qazaqstan Olımpıadalyq komandasyn qalaı sıpattaıtynyn túsindirýi qajet.
Baıqaý 2018 jyldyń 1 maýsym-17 tamyz aralyǵynda, eki kezeń boıynsha ótedi. Birinshi kezeńde - 1 maýsym-31 shilde aralyǵynda baıqaý jumystary qabyldanady.
Ekinshi kezeńde - jumystarǵa onlaın túrde daýys beriledi. Mamandardan quralǵan komıssııa eń úzdik bes jumysty tańdap alyp, Uıymdastyrýshylardyń resmı saıty men áleýmettik jelidegi paraqshalaryna jarııalaıdy. Daýys berý 16 tamyzǵa deıin jalǵasady. Jeńimpaz onlaın daýys berý jolymen anyqtalady.
Baıqaý qorytyndysy 2018 jyldyń 17 tamyzy kúni Uıymdastyrýshy taraptyń www.olympic.kz saıtynda, «Baıqaý» bóliminde jáne BAQ-ta jarııalanady. Baıqaý nátıjesi boıynsha jeńimpaz ben tórt júldeger anyqtalady. Birinshi oryn ıelengen avtor Olımpıada chempıony nemese júldegeriniń qoltańbasy qoıylǵan, QR UOK jáne onyń seriktesinen estelik syılyq alady. Al júldeger atanǵan baıqaý jumystarynyń avtorlary Uıymdastyrýshylar syılyǵyna ıe bolady. Jarys erejesimen myna jerde tanysýǵa bolady.
