QR Oqý-aǵartý mınıstri sońǵy oqyǵan úsh kitabyn atady

NUR-SULTAN. QazAqparat – QR Oqý-aǵartý mınıstri Ashat Aımaǵambetov sońǵy oqyǵan úsh kitabyn atady, dep habarlaıdy QazAqparat tilshisi.

«Kitap oqyǵan óte mańyzdy. Óz jumysymda ártúrli taldaýlardy, saraptamalardy, aqparatty oqımyn. Oǵan qosa, árıne, kórkem ádebıetti de oqý paıdaly. Sońǵy oqyǵan kitaptarymnyń biri - Metıý Saıedtiń «Qara jáshik» prıntsıpi» kitaby. Odan keıin Garvard professory Maıkl Sendeldiń «Tıranııa zaslýg» atty aǵylshyn tilindegi kitabyn oqydym. Úshinshisi, jýyrda ǵana Remark jazǵan «Lıssabondaǵy tún» kitabyn oqyp bitirdim. Onda ekinshi dúnıejúzilik soǵys ýaqytyndaǵy oqıǵalar baıandalady. Biz «Oqýǵa qushtar mektep» jobasy aıasynda mektep kitaphanalaryna kórkem ádebıetter satyp alyp, balalardy oqýǵa belsendi túrde baýlyp jatyrmyz jáne bul jumysty odan ári jalǵastyramyz», - dedi Ashat Aımaǵambetov.