QR oqý-aǵartý birinshi vıtse-mınıstri qyzmetinen bosatyldy
ASTANA. KAZINFORM — Maıra Meldebekova QR oqý-aǵartý birinshi vıtse-mınıstri qyzmetinen bosatyldy.
Qazaqstan Respýblıkasy Úkimetiniń qaýlysymen Maıra Meldebekova Qazaqstan Respýblıkasynyń oqý-aǵartý birinshi vıtse-mınıstri qyzmetinen bosatyldy. Bul týraly Úkimettiń baspasóz qyzmeti habarlady.
Ol bul qyzmetke 2025 jylǵy 26 mamyrda taǵaıyndalǵan edi.
Maıra Meldebekova 1971 jyly dúnıege kelgen. Abaı atyndaǵy Almaty Eńbek Qyzyl Tý ordeni ýnıversıtetin, Qorqyt Ata atyndaǵy Qyzylorda memlekettik ýnıversıtetin bitirgen.
Eńbek jolyn 1988 jyly pıoner lageriniń tárbıeshisi bolyp bastaǵan.
1993-2005 jyldary aralyǵynda Shymkent qalasynyń, Shyǵys Qazaqstan jáne Almaty oblystarynyń birqatar mektepterinde muǵalim, dırektordyń orynbasary, dırektor qyzmetterin atqardy.
2005-2018 jyldary — Qazaqstan Respýblıkasy Bilim jáne ǵylym mınıstrliginiń bas mamany, basqarma bastyǵy, departament dırektorynyń orynbasary, dırektory.
2018-2020 jyldary — Qyzylorda oblysy bilim basqarmasynyń basshysy;
2020-2021 jyldary — Qazaqstan Respýblıkasy Bilim jáne ǵylym mınıstrligi Mektepke deıingi jáne orta bilim berý komıtetiniń tóraǵasy;
2021-2022 jyldary — Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy sapany qamtamasyz etý komıteti tóraǵasynyń orynbasary;
2022-2025 jyldary Qazaqstan Respýblıkasy Oqý-aǵartý mınıstrligi Bilim salasyndaǵy sapany qamtamasyz etý komıteti tóraǵasynyń orynbasary qyzmetin atqarǵan.
Eske salaıyq, buǵan deıin Darhan Myrzabaev Ónerkásip jáne qurylys vıtse-mınıstri bolyp taǵaıyndalǵanyn habarlaǵanbyz.
