QR-nyń jekelegen ózenderinde sý deńgeıi kóterilýi múmkin - 16 aqpanǵa arnalǵan aýa raıy boljamy
ASTANA. 15 aqpan. QazAqparat - 16 aqpan kúni Qazaqstannyń kóp aýmaǵy áli de kólemdi antıtsıklonnyń yqpalynda bolady.
Respýblıkanyń tek batys, ońtústik jáne ońtústik-shyǵysynda atmosferalyq aýmaqtardyń yqpalymen turaqsyz aýa raıy bolady dep kútilýde, dep habarlaıdy QR TJM-niń baspasóz qyzmeti, Qazgıdrometke silteme jasap.
Aqmola, Ońtústik Qazaqstan, Jambyl, Soltústik Qazaqstan, Qaraǵandy, Qostanaı oblystarynda keıbir jerlerde tuman bolady dep kútilýde.
Mańǵystaý, Atyraý, Batys Qazaqstan, Aqtóbe oblystarynda, kúndiz Shyǵys Qazaqstan oblysynda - keıbir jerlerde jaıaý burqasyn kótrilip, jeldiń jyldamdyǵy sekýndyna 15-22 metrge deıin kúsheıedi.
Jambyl oblysynda - keıbir jerlerde tuman túsedi, jeldiń jyldamdyǵy sekýndyna 15-20 metrge deıin kúsheıedi.
Almaty oblysynda keıbir jerlerde tuman bolady dep kútilýde, Jalańashkól aýdanynda - ońtústik-shyǵystan sekýndyna 20-25 metrge deıin jetetin jel soǵyp, jel ekpini sekýndyna 30 metrge deıin kúsheıedi.
Taıaýdaǵy táýlikterde Ońtústik Qazaqstan, Qyzylorda, Jambyl, Almaty jáne Shyǵys Qazaqstan oblystarynyń ózenderinde muz qubylystaryna baılanysty sý deńgeıleriniń aýytqýlary baıqalady. Jekelegen ózenderde sý deńgeıleri kóterilýi múmkin. Shardara sý qoımasyna 16-17 aqpan kúnderi 1410-1420 m3/s shamasynda sý quıylýy múmkin.
