QR-nyń jalpy paıdalanymdaǵy respýblıkalyq mańyzy bar avtomobıl joldarynyń quramy ózgertildi

ASTANA. 27 shilde. QazAqparat - QR Premer-Mınıstri Serik Ahmetov «Jalpy paıdalanymdaǵy respýblıkalyq mańyzy bar avtomobıl joldarynyń quramyn ózgertý týraly» №737 Úkimet qaýlysyna qol qoıdy.

Qazaqstan Respýblıkasy Úkimetiniń qaýlysy

Astana, Úkimet Úıi, 2013 jylǵy 23 shilde, №737

Jalpy paıdalanymdaǵy respýblıkalyq mańyzy bar avtomobıl joldarynyń quramyn ózgertý týraly

Qazaqstan Respýblıkasynyń Úkimeti qaýly etedi:

1. Respýblıkalyq menshikten jalpy uzaqtyǵy 7,3 kılometr A-24 «Aqtóbe - Mártók - RF shekarasy (Orynbor qalasyna)» avtomobıl jolynyń ýchaskesi Aqtóbe oblysynyń kommýnaldyq menshigine berilsin.

2. Qazaqstan Respýblıkasy Kólik jáne kommýnıkatsııa mınıstrligi Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetimen jáne Aqtóbe oblysynyń ákimimen birlesip, avtomobıl jolynyń joǵaryda kórsetilgen ýchaskesin qabyldaý-tapsyrý jónindegi qajetti uıymdastyrýshylyq is-sharalaryn júzege asyrsyn.

3. «Qazaqstan Respýblıkasynyń avtomobıl joldaryn jikteý erejesi men sharttaryn jáne respýblıkalyq mańyzy bar jalpy paıdalanymdaǵy avtomobıl joldarynyń tizbesin bekitý týraly» Qazaqstan Respýblıkasy Úkimetiniń 2000 jylǵy 5 jeltoqsandaǵy №1809 qaýlysyna (Qazaqstan Respýblıkasynyń PÚAJ-y, 2000 j., №54, 596-qujat) mynadaı ózgerister engizilsin:

kórsetilgen qaýlymen bekitilgen Qazaqstan Respýblıkasynyń respýblıkalyq mańyzy bar jalpy paıdalanymdaǵy avtomobıl joldarynyń tizbesinde:

A-24 «Aqtóbe - Mártók - RF shekarasy (Orynbor qalasyna)» degen joldaǵy «102» degen sandar «94,7» degen sandarmen aýystyrylsyn;

«Jıyny» degen joldaǵy «23484,95» degen sandar «23477,65» degen sandarmen aýystyrylsyn.

4. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.

Qazaqstan Respýblıkasynyń Premer-Mınıstri S.AHMETOV