QR-nyń soltústik-shyǵysynda atmosferalyq bólikter aýa raıynyń turaqsyz sıpatyn saqtaýda - 29 tamyzǵa arnalǵan aýa raıy boljamy
ASTANA. 28 tamyz. QazAqparat - Qazaqstannyń kóptegen bóliginde 29 tamyzda jaýyn-shashynsyz aýa raıy kútiledi,
respýblıkanyń soltústik-shyǵys jáne shyǵys bóliginde ǵana atmosferalyq bólikterdiń ótýimen aýa raıynyń turaqsyz sıpaty saqtalýda, keıbir jerlerde jańbyr jaýyp, jekelegen aýdandarda naızaǵaı oınaıdy.
Keıbir jerlerde jeldiń kúsheıýi kútiledi, eldiń batysy men ońtústik-shyǵysynda shańdy daýyl bolady. Respýblıkanyń soltústiginde túngi jáne tańerteńgi saǵattarda keıbir jerlerde tuman túsýi kútiledi, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Atyraý, Shyǵys Qazaqstan oblystarynda, túnde Almaty, Jambyl, Qaraǵandy oblystarynda, kúndiz Batys Qazaqstan, Mańǵystaý, Aqtóbe, Ońtústik Qazaqstan oblystarynyń keıbir jerlerinde jel 15-22 m/s jyldamdyqpen soǵady, Atyraý, Jambyl oblystarynda shańdy daýyl bolady.
Aqmola, Qostanaı, Soltústik Qazaqstan oblystarynyń keıbir jerlerinde túnde jáne tańerteń tuman túsýi yqtımal.
Batys Qazaqstan oblysynda, Atyraý, Mańǵystaý oblystarynyń keıbir jerlerinde kún qatty ysıdy.
Respýblıkanyń ońtústik, ońtústik-shyǵysynda, batys, ortalyq, shyǵys jáne soltústik-shyǵysynyń keıbir jerlerinde tótenshe joǵary órt qaýiptiligi saqtalýda.
Jaqyn táýlikterde Batys Altaıdaǵy jekelegen ózenderde jańbyr mol túsýine baılanysty sý deńgeıiniń kóterilýi baıqalady. Respýblıkanyń ońtústik jáne ońtústik-shyǵysyndaǵy taýly ózenderde sý deńgeıleriniń aýytqýlary baıqalady.
