QR-nyń soltústik aımaqtarynda burqasyndar, ońtústikte - shańdy daýyldar kútilýde - 29 naýryzǵa arnalǵan aýa raıy boljamy
ASTANA. 28 naýryz. QazAqparat - Qazaqstan aýmaǵynyń kóptegen bóligi 29 naýryz kúni tsıklonnyń yqpalynda bolady, jaýyn-shashyn, tuman, kóktaıǵaq, jeldiń kúsheıýi, jekelegen aýdandarda burqasyndy jelderdiń bolatyny kútiledi, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Qostanaı, Soltústik Qazaqstan, Aqmola oblystarynda 15-20 m/s jyldamdyqpen soǵatyn jel kútilýde, túnde Aqmola jáne Soltústik Qazaqstan oblysatarynda jel ekpini 25 m/s, keıbir jerlerde tuman, kóktaıǵaq, burqasyn bolady dep kútilýde.
Qaraǵandy, Pavlodar, Shyǵys Qazaqstan oblystarynda jeldiń sekýndyna 15-22 metrge deıin kúsheıýi, Qaraǵandy oblysynda - keıbir jerlerde tuman, kóktaıǵaq bolady dep kútilip otyr.
Atyraý, Mańǵystaý oblystarynda - keıbir jerlerde tuman túsedi.
Ońtústik Qazaqstan oblysynda - keıbir jerlerde 15-20 m/s jyldamdyǵymen jel soǵady, túnde jel ekpini 28 metrge deıin jetedi, keıbir jerlerde shańdy daýyl, naızaǵaı oınaıdy dep kútilýde.
Qyzylorda oblysynda - keıbir jerlerde 15-20 m/s jyldamdyqpen jel soǵyp, shańdy daýyl bolady.
Almaty oblysyndaǵy Jalańashkól aýdanynda jeldiń sekýndyna 20-25 metrge deıin kúsheıýi, jel ekpini 30 m/s deıin jetedi dep kútiledi.
Jaqyn táýlikterde Syrdarııa ózeninde, Almaty, Shyǵys Qazaqstan oblystarynyń ózenderinde muz qursaýynyń bosaýy men erýi kútilip otyr. Shyǵys Qazaqstan oblysynyń shaǵyn ózenderi men jylǵalarynda betkeılik aǵystardyń kúsheıýi, sý deńgeıleriniń kúrt kóterilýi, bul rette tasqyndar men topan sý basýy múmkin. Ońtústik Qazaqstan oblysynda kútilip otyrǵan jańbyrlarǵa baılanysty tasqyndardyń bolýy kútilýde. Almaty jáne Jambyl oblystarynyń tómengi taýly ózenderinde sý deńgeıiniń kóterilýi kútilip otyr. Batys Qazaqstan, Aqtóbe jáne Atyraý oblystarynyń jekelegen ózenderinde kóktemgi úrdisterdiń damýy kútilýde.
