QR-nyń soltústiginde ótkinshi jańbyr jaýady - 14 tamyzǵa arnalǵan aýa raıy boljamy
ASTANA. 13 tamyz. QazAqparat - 14 tamyzda qazaqstannyń kóptegen aýmaǵynda jaýyn-shashynsyz aýa raıy saqtalady.
Respýblıkanyń tek soltústik aýdandarynda frontaldyq bólikterdiń ótýimen keıbir jerlerde ótkinshi jańbyr jaýyp, naızaǵaı oınaıdy, jel kúsheıedi, dep habarlaıdy Qazgıdrometke silteme jasaǵan TJM-niń baspasóz qyzmetinen.
Aqmola, Qostanaı, Soltústik Qazaqstan, Pavlodar, Jambyl, Ońtústik Qazaqstan oblystarynda keıbir jerlerde 15-22 m/s ekpinde jel turady, Aqmola, Qostanaı, Soltústik Qazaqstan oblystarynda túnde jáne tańerteń keıbir jerlerde tuman túsedi.
Almaty, Qyzylorda, Mańǵystaý, Batys Qazaqstan, Aqtóbe, Qaraǵandy, Shyǵys Qazaqstan oblystarynda, Ońtústik Qazaqstan oblysynyń keıbir jerlerinde kún qatty ysıdy. Atyraý oblysynda óte qatty ystyq bolady.
Atyraý, Qyzylorda, Ońtústik Qazaqstan oblystarynda, Aqtóbe oblysynyń kóptegen jerlerinde, Jambyl, Almaty, Pavlodar, Qaraǵandy, Shyǵys Qazaqstan oblystarynda tótenshe joǵary órt qaýiptiligi saqtalýda.
Jaqyn táýlikterde respýblıkanyń ońtústik, ońtústik-shyǵys jáne shyǵysynda sý deńgeıleriniń aýytqýlary kútiledi.
