QR-nyń soltústigi men batysynda aýa raıy turaqsyz bolady - 27 qyrkúıekke arnalǵan aýa raıy boljamy
ASTANA. 26 qyrkúıek. QazAqparat - 27 qyrkúıekte atmosferalyq aǵymdardyń ótýine baılanysty respýblıkanyń soltústigi men batysynda aýa raıy turaqsyz bolady dep kútilýde, keı jerlerde jańbyr jaýyp, jel kúsheıedi.
Qazaqstannyń qalǵan aýmaqtarynda aýa raıy jaýyn-shashynsyz bolady, dep habarlady Qazgıdrometke silteme jasaı otyryp, QR TJM-niń baspasóz qyzmeti.
Aqtóbe, Aqmola, Soltústik Qazaqstan, Pavlodar, kúndiz Qostanaı, Qaraǵandy, Shyǵys Qazaqstan oblystarynda keı jerlerde 15-20 m/s jyldamdyqpen jel soǵady.
Almaty oblysynda Alakól ózeniniń aýdanynda 17-22 m/s jyldamdyqpen jel soǵady, onyń ekpini 25 m/s-qa deıin jetedi.
Atyraý oblysynda keı jerlerde tuman bolady.
Qaraǵandy jáne Shyǵys Qazaqstan oblystarynda jekelegen jerlerde kún 0-3 gradýsqa deıin sýytady.
Respýblıkanyń ońtústik jáne ońtústik-shyǵysynda tótenshe joǵary órt qaýpi saqtalady.
Aldaǵy táýlikte Qazaqstannyń sýly nysandarynda ózgerister baıqalmaıdy.
