QR-nyń keıbir zańnamalyq aktilerine ózgerister «Quqyqtyq aktiler týraly» QR Zańy jobasyna sáıkes keltirýge baǵyttalǵan
ASTANA. QazAqparat - Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine quqyqtyq aktiler máseleleri boıynsha ózgerister engizý týraly» QR Zańynyń jobasy birinshi oqylymda maquldandy.
Zań jobasy qoldanystaǵy zańnamalyq aktilerdi «Quqyqtyq aktiler týraly» QR Zańynyń jobasyna sáıkes keltirýge baǵyttalǵan. Negizgi zań jobasyna jeke-dara qoldanylatyn quqyqty aktiler máseleleri reglamentteledi. Osyǵan baılanysty zań jobasynda «Ákimshilik rásimder týraly» QR Zańynan tıisti normalardy alyp tastaý usynylady.
«Prokýratýra týraly» QR Zańyna da ózgerister engiziledi. Olarǵa sáıkes prokýror zańnamalyq aktilerdi túsindiredi. Osy ózgerister negizgi zań jobasynda prokýror túsindiretin aktiler tizbesiniń keńeıtilýine baılanysty bolyp otyr. Qazirgi tańda prokýror zańdardy jeke ne zańdy tulǵalardyń bilmeýi nemese durys túsinbeýi, zańdar azamattardyń nemese shektelmegen tulǵalar tobynyń quqyqtary men bostandyqtaryn buzýǵa ákep soqtyrýy múmkin dep paıymdaýǵa jetkilikti negiz bolǵan kezde zańnyń mazmunyn túsindiredi.
Negizgi zań jobasynda sonymen qatar Premer-Mınıstrdiń tapsyrmasy boıynsha Úkimettiń normatıvtik quqyqtyq aktilerin resmı túindirýdi Ádilet mınıstrligimen jáne basqa da múddeli memlekettik organdarmen birge júzege asyrady.
