QR-nyń bokstan eksperımentaldyq quramasy Malaızııada «Agonga Kýbogyn» jeńip aldy
ASTANA. QazAqparat - Qazaqstannyń bokstan eksperımentaldyq quramasy halyqaralyq «Agonga Kýbogy» týrnırinde 6 medaldi qanjyǵasyna baılap jáne birinshi oryndy jeńip alyp, búgin Malaızııadan elge oraldy.
Bul týraly sports.kz habarlady.
Apor-Setar qalasynyń sport kesheninde Ádilbek Ádiljannyń (56 kg), Baǵdat Ýaıdaevtyń (60 kg), Máýlen Óskenbektiń (64 kg), Aıtjan Shileevtiń (69 kg), Nurzoda Sobırovtyń (75 kg) jáne Tursynbaı Qulahmettiń (81 kg).qurmetine alty ret elimizdiń ánurany oryndalyp, týy jelbiredi.
Sonymen birge Máýlen Óskenbek týrnırdiń úzdik boksshysy atandy.
8-14 naýryz aralyǵynda ótken bul týrnırge barlyǵy 8 elden 58 boksshy qatysty.
Eske sala keteıik, quramynda 22 sportshy bar bokstan eksperımentaldyq qurama bıylǵy jyly qańtarda elimizdiń ulttyq quramasyna rezerv daıarlaý maqsatynda quryldy. Komanda úılestirýshisi olımpıada chempıony Baqyt Sársekbaev.
