QR-nyń birqatar óńirlerinde tuman túsip, jańbyr jaýady - 12 qazanǵa arnalǵan aýa raıy boljamy
ASTANA. 11 qazan. QazAqparat - 12 qazanda Qazaqstannyń basym aýmaǵynda antıtsıklonnyń yqpaly saqtalady, kún ashyq ári jyly bolady dep kútilýde, dep habarlady Qazgıdrometke silteme jasaı otyryp QR TJM-niń baspasóz qyzmeti.
Tek respýblıkanyń batysynda ǵana atmosferalyq aǵymdardyń ótýine baılanysty jańbyr jaýyp, tuman túsip, jel kúsheıedi.
Jambyl, Mańǵystaý oblystarynda jáne kúndiz Batys Qazaqstan oblysynyń birqatar aımaqtarynda 15-20 m/s jyldamdyqpen jel soǵady.
Atyraý, Shyǵys Qazaqstan oblystarynda kúndiz jekelegen aımaqtarda 15-20 m/s jyldamdyqpen jel soǵyp, túnde jáne tańerteń keı jerlerde tuman túsedi.
Respýblıkanyń ońtústik, ońtústik-shyǵys jáne ortalyǵynda órt qaýpi saqtalady.
Aldaǵy táýlikte Syrdarııa ózeninde sý deńgeıiniń aýytqýshylyǵy baıqalady.
