QR-nyń birqatar aımaqtarynda sý tasqyny, ózenderdiń arnasynan asýy jáne sý basýy kútiledi - 30 naýryzǵa arnalǵan boljam
ASTANA. 29 naýryz. QazAqparat - 30 naýryzda Qazaqstan aýmaǵynyń basym bóligi tsıklonnyń jáne onymen baılanysty atmosferalyq aǵyndardyń yqpalynda bolyp, keıbir jerlerde jaýyn-shashyn, tuman túsýi, kóktaıǵaq bolýy, jeldiń kúsheıýi kútiledi.
Respýblıkanyń batysy men ońtústik shyǵysynda ǵana aýa raıy ashyq bolady, dep habarlady TJM Qazgıdrometke slteme jasap.
Aqmola, Qostanaı oblystarynda keıbir jerlerde tuman túsedi, kóktaıǵaq bolady, jeldiń ekpini sekýndyna 15-20 metrge jetedi.
Soltústik Qazaqstan oblysynda keıbir jerlerde tuman túsedi, kóktaıǵaq bolady, túnde jeldiń ekpini - 15-20 m/s.
Pavlodar oblysynda kóktaıǵaq bolyp, jeldiń 15-20 m/s-qa deıin kúsheıýi kútiledi.
Qaraǵandy oblysynda keıbir jerlerde tuman túsedi, jel sekýndyna 15-20 metrge deıin kúsheıedi.
Almaty oblysynda Jalańashkól aýdanynda jeldiń kúsheıýi 18-23 m/s-qa deıin jetedi.
Kúndiz Ońtústik Qazaqstan, Qyzylorda oblystarynda keı jerlerde kún kúrkirep, jeldiń ekpini 15-20 m/s-qa jetedi.
Shyǵys Qazaqstan oblysynda kúndiz keı jerlerde jeldiń ekpini 15-20 metr/sekýndqa deıin kúsheıedi.
Túnde Mańǵystaý, Aqtóbe oblystarynda - keı jerlerde tuman túsedi, Aqtóbe oblysynda keıbir jerlerde kóktaıǵaq bolýy yqtımal.
Aldaǵy úsh táýlikte respýblıkanyń batysy men ortalyǵyndaǵy ózenderde kóktemgi tasqyn jalǵasady, sý deńgeıi birte-birte kóterile beredi. Jańbyr jaýýy kútilýimen baılanysty Ońtústik Qazaqstan, Jambyl, Almaty jáne Shyǵys Qazaqstan oblystarynyń alasa taýly ózenderinde 31 naýryz ben 1 sáýir aralyǵynda sý beti kóterilip, keıbir ózenderde - qar sýynyń erýi saldarynan tasqyn bolýy, kemerinen asyp, sý basýy múmkin.
Shyǵys Qazaqstan oblysynyń ózenderinde muz qabaty buzylyp, seń keptelisi jáne sý deńgeıiniń kóterilýi oryn alýy múmkin. Syrdarııa ózeniniń Ońtústik Qazaqstan jáne Qyzylorda oblystary sheginde jylǵalar rettelýimen sý deńgeıiniń qubylýy baıqalady.
