QR-nyń batysynda jaýyn-shashyn, burqasyndy jel bolady dep kútilýde - 14 naýryzǵa arnalǵan aýa raıy boljamy
ASTANA. 13 naýryz. QazAqparat - Qazaqstannyń kóptegen bóliginde 14 naýryzdaǵy aýa raıynyń turaqsyzdyǵy negizinen qardyń túsýimen sıpattalady, batysta keıbir jerlerde jaýyn-shashyn, aýa temperatýrasynyń kóterilýi, keıbir jerlerde - burqasyndy jeldiń kúsheıýi bolady dep kútilýde,
dep habarlaıdy Qazgıdrometke silteme jasaǵan TJM-niń baspasóz qyzmetinen.
Soltústik Qazaqstan, Qyzylorda, túnde Shyǵys Qazaqstan, Qaraǵandy, Ońtústik Qazaqstan, Jambyl, Almaty oblystarynda keıbir jerlerde tuman, Jambyl jáne Almaty oblystarynda - kóktaıǵaq bolady dep kútilýde.
Mańǵystaý oblysynda keıbir jerlerde tuman, joldarda - kóktaıǵaq, kúndiz jeldiń sekýndyna 15-20 metrge deıin kúsheıýi kútilýde.
Atyraý oblysynda keıbir jerlerde tuman, jeldiń sekýndyna 17-22 metrge deıin kúsheıýi kútiledi.
Aqtóbe, Qostanaı oblystarynda keıbir jerlerde kúndiz burqasyndy jel kúsheıip, Qostanaı oblysynda túnde tuman túsedi.
Batys Qazaqstan oblysynda keıbir jerlerde burqasyndy jeldiń kúsheıýi, kúndiz qalyń qardyń túsýi kútilýde.
Jaqyn táýlikterde Syrdarııa (Kóktóbe gıdrobeketinen tómen), Shý ózenderinde, Almaty oblysynyń jekelegen ózenderinde (Іle, Qaratal, Aqsý, taǵy basqa) muz betiniń álsireýi jáne buzylýy kútilýde. Ońtústik Qazaqstan, Jambyl, Almaty jáne Shyǵys Qazaqstan oblystarynyń ózenderinde sý deńgeıleriniń aýytqýlary baıqalady.
