QR-nyń batys óńirleri men ońtústiginiń jekelegen aýdandarynda jaýyn-shashyn jaýyp, ekpindi jel soǵady - 26 qazanǵa arnalǵan aýa raıy boljamy
ASTANA. 25 qazan. QazAqparat - 26 qazan kúni antıtsıklonnyń yqpalymen Qazaqstan aýmaǵynyń basym bóliginde jaýyn-shashynsyz aýa raıy kútilýde, dep habarlaıdy Qazgıdrometke silteme jasaı otyryp TJM-niń baspasóz qyzmetinen.
Respýblıkanyń batys óńirleri men ońtústiginiń jekelegen aýdandarynda atmosferalyq aǵymdardyń áserimen jaýyn-shashyn jaýyp, ekpindi jel soǵady.
Jambyl, Ońtústik Qazaqstan, Batys Qazaqstan oblystarynda, kúndiz Qyzylorda, Atyraý oblystarynyń birqatar aımaqtarynda jeldiń kúshi 15-20 m/s deıin jetedi.
Túnde Pavlodar, Shyǵys Qazaqstan oblystarynyń birqatar aımaqtarynda tuman túsýi yqtımal.
Aldaǵy tórt táýlikte Batys Altaı ózenderinde sý deńgeıiniń tómendeýi baıqalady. Respýblıkanyń ońtústigi men ońtústik-shyǵysynda sý deńgeıleriniń aýytqýlary kútiledi. Qazaqstannyń soltústik, ortalyq jáne shyǵys oblystarynyń sý nysandarynda sý betiniń odan ári salqyndaýy baıqalady, jekelegen kishi ózenderde birinshi muzdar paıda bolýy múmkin.
