QR MSM, UOK jáne «Qazaqstan» telearnasy sportty keńinen taratý jáne nasıhattaý jóninde memorandým jasasty

ASTANA. QazAqparat - Qazaqstan Respaýblıkasynyń Mádenıet jáne sport mınıstrligi, Qazaqstans Respýblıkasynyń Ulttyq olımpıada komıteti jáne «Qazaqstan» respýblıkalyq teleradıokorporatsııasy» AQ yntymaqtastyq týraly memorandým jasasty, dep habarlandi QR UOK baspasóz baıanynda.

Qazaqstan Respýblıkasy mádenıet jáne sport mınıstri Arystanbek Muhamedıuly, Qazaqstan Respýblıkasy Ulttyq Olımpıalyq komıtetiniń bas hatshysy Danııar Ábilǵazın jáne «Qazaqstan» RTRK» AQ basqarma tóraıymy Nurjan Muhamedjanova Qazaqstan Respýblıkasy halqynyń arasynda sportty salasyn damytý men ilgeriletý jónindegi úshjaqty memorandýmǵa qol qoıdy.

Memorandým sheńberinde Qazaqstan Respýblıkasynda dene shynyqtyrý men sportty, salaýatty ómir saltyn damytýǵa baǵyttalǵan jumystardy birlesip kúsheıtý kózdelgen. Basym baǵyttardyń biri elimizde sportty damytý men Olımpıadalyq qozǵalysty, buqaralyq sporttyq is-sharalardy televızııalyq nasıhattaý arqyly kúsheıtý bolyp tabylady.

Basym baǵyt retinde Qazaqstan Respýblıkasynyń Olımpıadalyq sport túrlerinen Ulttyq qurama komandalaryna basa nazar aýdarylmaq.

Memorandýmda sportshylardyń televızııalyq jobalarǵa, saraptamalyq baǵdarlamalarǵa, jańalyq sıýjetterine qatysýyn qamtamasyz etý qarastyryldy jáne "Kazsport" telearnasynda jańadan arnaıy baǵdarlamalar (otbasylyq, saýyqtyrý) ashý kózdelgen.

Sondaı-aq áriptestik memorandýmyna sáıkes «Qazaqstan» RTRK AQ Mınıstrlik nemese QR UOK ótkizetin sporttyq buqaralyq is-sharalardyń basty aqparattyq seriktesi retinde belgilengen.