QR men RF-nyń áýe shabýylyna qarsy qorǵanysynyń biryńǵaı óńirlik júıesin qurý týraly kelisimin ratıfıkatsııalaý týraly zań jobasy qaraldy
ASTANA. QazAqparat - Búgin Qazaqstan Respýblıkasy Parlamenti Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda «Qazaqstan Respýblıkasy men Reseı Federatsııasy arasyndaǵy Qazaqstan Respýblıkasy men Reseı Federatsııasynyń áýe shabýylyna qarsy qorǵanysynyń biryńǵaı óńirlik júıesin qurý týraly kelisimdi ratıfıkatsııalaý týraly» zań jobasy qaraldy.
Qazaqstan Respýblıkasy men Reseı Federatsııasy arasyndaǵy Qazaqstan Respýblıkasy men Reseı Federatsııasynyń áýe shabýylyna qarsy qorǵanysynyń biryńǵaı óńirlik júıesin qurý týraly Kelisimge 2013 jylǵy qańtarda qol qoıyldy.
Kelisimniń maqsaty Táýelsiz Memleketter Dostastyǵyna qatysýshy memleketterdiń áýe shabýylyna qarsy qorǵanysynyń birikken júıesiniń quramdas bóligi bolatyn Qazaqstan Respýblıkasy men Reseı Federatsııasynyń áýe shabýylyna qarsy qorǵanysynyń biryńǵaı óńirlik júıesin qurý bolyp tabylady.
Kelisimdi iske asyrý jónindegi ýákiletti organdar, birlesken is-qımyldardy úılestirý tártibi, sondaı-aq, biryńǵaı óńirlik júıeniń jumys isteý tártibin aıqyndaǵan.
Kelisimde kúshine ený tártibin aıqyndaıtyn normalar, ózgerister men tolyqtyrýlar engizý tártibi, sondaı-aq, Kelisimdi qoldanýmen jáne túsindirýmen baılanysty daýly máselelerdi retteý tártibin aıqyndaıtyn normalar da kózdelingen.
Zań jobasy Senattyń qaraýyna jiberildi.
