QR men RF Qaýipsizdik Keńesiniń Hatshylary óńirlik qaýipsizdikti qamtamasyz etý máselelerin talqylady
ASTANA. QazAqparat - Búgin Máskeý qalasynda Ujymdyq qaýipsizdik týraly shart uıymy jarǵylyq organdarynyń otyrystary aıasynda Qazaqstan Respýblıkasy Prezıdentiniń kómekshisi - Qaýipsizdik Keńesiniń Hatshysy N.Ermekbaev Reseı Federatsııasy Qaýipsizdik Keńesiniń Hatshysy N.Patrýshevpen kezdesý ótkizdi.
Bul týraly QR Prezıdentiniń baspasóz qyzmetinen habarlady.
Kelissózder barysynda óńirlik qaýipsizdikti qamtamasyz etý salasyndaǵy ózara yqpaldasýdyń, sondaı-aq zamanaýı syn-qaterlerge qarsy birlesken is-qımyl júrgizýdiń ózekti máseleleri talqylandy. Taraptar ekijaqty jáne kópjaqty yntymaqtastyqty aldaǵy ýaqytta da damytýǵa múddelilik tanytty.
Konsýltatsııalardyń qorytyndysy boıynsha Qazaqstan Respýblıkasy men Reseı Federatsııasynyń Qaýipsizdik Keńesteri apparattarynyń 2015-2016 jyldarǵa arnalǵan yntymaqtastyq josparyna qol qoıyldy.
