QR Memlekettik kúzet qyzmetiniń Prezıdenttik orkestri Otan qorǵaýshylar kúnine arnalǵan beınebaıandy usyndy

ASTANA. KAZINFORM – QR Memlekettik kúzet qyzmetiniń Prezıdenttik orkestrine qarasty «ABYROY» toby «RÝH» beınebaıanynyń tusaýkeserin ótkizdi.

Otan qorǵaýshylar kúni qarsańynda belgili otandyq rejısser Elaman Býralkıevtiń túsirý tobynyń prodıýserligimen QR MQK Prezıdenttik orkestriniń «ABYROY» toby «RÝH» beınebaıanynyń premerasy ótti. Beınebaıan QR Memlekettik kúzet qyzmetiniń Youtube jelisindegi (@sgork_official) paraqshasynda jarııalandy.

QR Memlekettik kúzet qyzmeti habarlaǵandaı, «RÝH» kompozıtsııasy az ýaqyttyń ishinde áleýmettik jeli qoldanýshylary arasynda tanymal bola bastaǵan. Týyndynyń mýzykasyn Janbolat Ádilov, sózin Rústem Arslanov jazǵan. Kompozıtsııany óńdeýge Imanbek Zeıkenov te atsalysqanyn atap ótken jón.

Aıta keteıik, beınebaıanda QR Memlekettik kúzet qyzmetiniń bólimsheleriniń, QR Ulttyq qaýipsizdik komıteti «A» qyzmetiniń, QR Ulttyq ulanynyń, QR Qarýly Kúshteri arnaıy operatsııalyq áskerleriniń, QR Tótenshe jaǵdaılar mınıstrliginiń qyzmeti sıpattalady.