«QR Memlekettik shekarasy arqyly ótkizý pýnktteriniń jumys isteýiniń keıbir máseleleri týraly» Úkimet qaýlysyna ózgerister engizildi

***

Qazaqstan Respýblıkasy Úkimetiniń qaýlysy №533

2012 jylǵy 26 sáýir,  Astana, Úkimet Úıi

«Qazaqstan Respýblıkasynyń Memlekettik shekarasy arqyly ótkizý pýnktteriniń jumys isteýiniń keıbir máseleleri týraly» Qazaqstan Respýblıkasy Úkimetiniń 2005 jylǵy 13 jeltoqsandaǵy № 1240 qaýlysyna ózgerister engizý týraly

Qazaqstan Respýblıkasynyń Úkimeti qaýly etedi:
1. «Qazaqstan Respýblıkasynyń Memlekettik shekarasy arqyly ótkizý pýnktteriniń jumys isteýiniń keıbir máseleleri týraly» Qazaqstan Respýblıkasy Úkimetiniń 2005 jylǵy 13 jeltoqsandaǵy № 1240 qaýlysyna mynadaı ózgerister engizilsin:
1-tarmaqta:
1) tarmaqsha mynadaı redaktsııada jazylsyn:
«Qazaqstan Respýblıkasynyń Memlekettik shekarasy arqyly ótkizý pýnktteriniń ashylý, jumys isteý jáne jabylý qaǵıdalary»;
2), 3) jáne 4) tarmaqshalar alynyp tastalsyn;
kórsetilgen qaýlymen bekitilgen Qazaqstan Respýblıkasynyń Memlekettik shekarasy arqyly ótkizý pýnktteriniń jumysyn belgileý jáne uıymdastyrý erejesi osy qaýlynyń qosymshasyna sáıkes jańa redaktsııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.

Qazaqstan RespýblıkasynyńPremer-Mınıstri
K.MÁSІMOV.

Qazaqstan Respýblıkasy Úkimetiniń
2012 jylǵy 26 sáýirdegi №533 qaýlysyna qosymsha

Qazaqstan Respýblıkasy Úkimetiniń
2005 jylǵy 13 jeltoqsandaǵy №1240 qaýlysymen bekitilgen

Qazaqstan Respýblıkasynyń Memlekettik shekarasy arqyly ótkizý pýnktteriniń ashylý, jumys isteý jáne jabylý qaǵıdalary

1. Jalpy erejeler
1. Osy Qazaqstan Respýblıkasynyń Memle­ket­tik shekarasy arqyly ótkizý pýnktteriniń ashylý, jumys isteý jáne jabylý qaǵıdalary (budan ári - Qaǵıdalar) Qazaqstan Respýb­lı­kasynyń Memlekettik shekarasy arqyly ótkizý pýnkt­teriniń (budan ári - ótkizý pýnktteri) ashylý, ju­mys isteý jáne jabylý tártibin aıqyndaıdy.
2. Ótkizý pýnktteri Qazaqstan Respýb­lıkasynyń basqa memlekettermen halyqaralyq qatynastaryn qamtamasyz etýge arnalǵan.
3. «Qazaqstan Respýblıkasynyń Memleket­tik shekarasy týraly» Qazaqstan Respýb­lı­ka­synyń 1993 jylǵy 13 qańtardaǵy Zańyna jáne Qazaq­stan Respýblıkasy ratıfıkatsııalaǵan ha­lyq­aralyq sharttarǵa sáıkes Qazaqstan Respýb­lı­kasynyń Memlekettik shekarasy arqyly temir jol, avtomobıl, teńiz, áýe jáne ózge de qaty­nastardyń ótý oryndaryndaǵy ótkizý pýnktterin Qazaqstan Respýblıkasynyń Úkimeti bekitedi.
Ótkizý pýnkti tıisti tehnologııalyq jabdyǵy bar ǵımarattar, úı-jaılar jáne qurylystar keshenin qamtıdy, bularda Qazaqstan Respýblıkasy Ulttyq qaýipsizdik komıteti Shekara qyz­metiniń, Qazaqstan Respýblıkasynyń Mem­lekettik shekarasynda baqylaýdy júzege asyratyn keden organdarynyń jáne basqa da organ­dardyń baqylaý-ótkizý pýnktteri qurylady.
4. Jeke tulǵalardyń Qazaqstan Respýblı­kasynyń Memlekettik shekarasynan ótýiniń, ol arqyly kólik quraldaryn, júkterdi, taýarlardy, janýarlardy, ósimdik ónimin jáne ózge de múlikti (budan ári - kólik quraldary men júkter) ótkizýdiń belgilengen tártibin saqtaýdy qamtamasyz etý úshin ótkizý pýnktterinde Qa­zaqstan Respýblıkasynyń «Qazaqstan Res­pýb­lı­kasyndaǵy keden isi týraly» 2010 jylǵy 30 maýsymdaǵy, «Halyq densaýlyǵy jáne densaý­lyq saqtaý júıesi týraly» 2009 jylǵy 18 qyrkúıektegi kodeksterinde, «Qazaqstan Respýb­lıkasynyń Ulttyq qaýipsizdik komıteti Shekara qyzmetiniń máseleleri» týraly Qazaq­stan Res­pýblıkasy Prezıdentiniń 1999 jylǵy 10 jel­toqsandaǵy Jarlyǵynda, sondaı-aq Qa­zaqstan Respýblıkasynyń «Qazaqstan Respýb­lıkasy­nyń Memlekettik shekarasy týraly» 1993 jylǵy 13 qańtardaǵy, «Veterınarııa týraly» 2002 jylǵy 10 shildedegi, «Ósim­dikterdi qorǵaý týraly» 2002 jylǵy 3 shildedegi, «Avtomobıl kóligi týraly» 2003 jylǵy 4 shildedegi zań­da­rynda belgilengen tártippen shekaralyq, keden­dik, sanıtarııalyq-karantındik, veterına­rııa­lyq-sanıtarııalyq, kóliktik jáne memleket­tik fıtosanıtarııalyq baqylaý júzege asyrylady.
5. Ótkizý pýnktterinde Qazaqstan Respýb­lı­kasynyń zańdarynda kózdelmegen baqylaýdyń basqa túrlerin uıymdastyrýǵa jáne júzege asyrýǵa, sondaı-aq jeke jáne zańdy tulǵa­lar­dyń shekaradan ótetin kólik quraldaryna, júkterge jáne jolaýshylarǵa qyzmet kórsetý­men baılanysty emes sharýashylyq jáne ózge de qyzmetti júzege asyrýyna jol berilmeıdi.
6. Qazaqstan Respýblıkasynyń Memlekettik shekarasyndaǵy ótkizý pýnktteri bylaısha synyptalady:
1) halyqaralyq qatynastar túri boıynsha: avtomobıl (avtojol), temir jol, teńiz, ózen (kól), áýe, jaıaý júrginshi, aralas;
2) halyqaralyq qatynastar sıpaty boıynsha: júk, jolaýshylar, júk-jolaýshylar;
3) jumys isteý tártibi boıynsha: turaqty (tu­raqty negizde jumys isteıtin, maýsymdyq, tu­raqty emes negizde jumys isteıtin) jáne ýaqytsha;
4) mártebesi boıynsha: kópjaqty (halyqara­lyq) jáne ekijaqty (memleketaralyq);
5) jumys rejım boıynsha: kúndizgi, táýlik boıǵy.
7. Ótkizý pýnktteri:
1) azamattyǵyna (bodandyǵyna) qaramastan jeke tulǵalardyń jáne úshinshi elderdiń aýma­ǵynda tirkelgen kólik quraldarynyń memle­kettik shekaradan ótýi úshin kópjaqty;
2) shekaradan Qazaqstan Respýblıkasynyń jáne shekaralas memlekettiń azamattary men kólik quraldarynyń ǵana ótýi úshin ekijaqty bolýy múmkin.
8. Ótkizý pýnktteriniń, olardyń halyqara­lyq qatynastaǵy túri men sıpaty, jumys isteý tártibi, jumys mártebesi men rejımi boıynsha synyptalýy kórsetilgen ótkizý pýnktterin ashý týraly Qazaqstan Respýblıkasy Úkimetiniń sheshimderi resmı baspasózde jarııalanýǵa jatady jáne olardy «Qazaqstan Respýblıkasynyń ha­lyqaralyq sharttary týraly» Qazaqstan Respýb­lıkasynyń 2005 jylǵy 30 mamyr­daǵy Zańynda belgilengen tártippen Qazaqstan Respýblıkasy Syrtqy ister mınıstrligi Qazaq­stan Respýblı­kasyndaǵy shet memle­ketterdiń dıplomatııalyq (konsýldyq) ókildikteriniń jáne múddeli halyqaralyq uıymdardyń, Qazaqstan Respýblı­kasynyń sheteldegi dıplomatııalyq jáne konsýldyq ókildikteriniń nazaryna jetkizedi.
2. Ótkizý pýnktteriniń ashylý tártibi
9. Ótkizý pýnktin ornatýdyń oryndylyǵyn aıqyndaý úshin múddeli memlekettik organ (bu­dan ári - bastamashy) osy Qaǵıdalardyń 4-tar­maǵynda kórsetilgen belgilengen baqylaý túrlerin júzege asyratyn memlekettik organ­darǵa (budan ári - memlekettik baqylaý organdary) mynadaı materıaldardy:
1) ótkizý pýnktin ornatýdyń oryndylyǵyn, josparlanatyn ótkizý qabiletin jáne ashylý merzimin, qurylysqa (qaıta jańartýǵa) ketetin shyǵyndardyń eseptemesin, jabdyqty, tehnıka­lyq jaraqtaýdy, kólik, ınjenerlik jáne áleý­mettik-turmystyq ınfraqurylymdy qurý men damytýdy, sondaı-aq qarjylandyrý kózderin kór­sete otyryp, ony ornatý týraly qoldaýhatty;
2) jergilikti (oblystyq) atqarýshy organnyń óz aýmaǵynda ótkizý pýnktin ornatýǵa kelisimin (eger ol bastamashy bolyp tabylmaǵan jaǵ­daıda) jiberedi.
Memlekettik baqylaý organdary ózderine usynylǵan materıaldardy qaraıdy jáne olar usynylǵan kúnnen bastap kúntizbelik otyz kún ishinde bastamashyǵa óz qorytyndysyn jiberedi.
Bastamashy Keden odaǵynyń syrtqy shekarasynda avtomobıldik ótkizý pýnktin ornatý boıynsha Qazaqstan Respýblıkasy Qarjy mınıstr­liginiń Kedendik baqylaý komıtetine, Qazaqstan-Reseı memlekettik shekarasyndaǵy avtomobıl­dik ótkizý pýnkti boıynsha Qazaqstan Respýblıkasy Ulttyq qaýipsizdik komıtetiniń Shekara qyzmetine, al temir jol, áýe jáne teńiz (ózen) ótkizý pýnktterin ornatý boıynsha Qazaqstan Respýblıkasy Kólik jáne kommýnıkatsııa mınıstrligine joǵaryda kórse­tilgen materıaldar men memlekettik baqylaý organdarynyń qorytyndylaryn jiberedi.
Qazaqstan Respýblıkasy Syrtqy ister mı­nıstr­ligi ótkizý pýnktin ornatý máselesin shektes memleketpen kelisedi, odan keıin Keden odaǵynyń syrtqy shekarasynda avtomobıldik ótkizý pýnkti boıynsha Qazaqstan Respýblıkasy Qarjy mınıstrliginiń Kedendik baqylaý komı­teti, Qazaqstan-Reseı memlekettik shekarasyn­daǵy avtomobıldik ótkizý pýnktin ornatý boıynsha Qazaqstan Respýblıkasy Ulttyq qaýipsiz­dik komıtetiniń Shekara qyzmeti, al Memle­ket­tik shekara arqyly temir jol, áýe jáne teńiz (ózen) ótkizý pýnktin ornatý boıynsha Qazaq­stan Respýb­lıkasy Kólik jáne kommýnıkatsııa mınıstrligi tıisti kelisim jobasyn daıyndaıdy.
10. Shekaralas memleketpen Kelisimge qol qoıylǵan jaǵdaıda, Qazaqstan Respýblıkasy Qarjy mınıstrliginiń Kedendik baqylaý komıteti Keden odaǵynyń syrtqy shekaralarynda avtomobıldik ótkizý pýnktin, Qazaqstan Res­pýblıkasy Ulttyq qaýipsizdik komıtetiniń Shekara qyzmeti Qazaqstan-Reseı memlekettik shekarasyndaǵy avtomobıldik ótkizý pýnktin, al Qazaqstan Respýblıkasy Kólik jáne kommýnıkatsııa mınıstrligi temir jol, áýe jáne teńiz (ózen) ótkizý pýnktin ornatý týraly sheshim qabyldaý úshin Qazaqstan Respýblıkasynyń Úkimetine múddeli memlekettik organdarmen kelisilgen, halyqaralyq qatynas túri men sıpaty, jumys isteý tártibi, mártebesi jáne jumys rejımi boıynsha olardyń synyptalýyn kórsete otyryp, ótkizý pýnktin bekitý týraly Qazaqstan Respýblıkasynyń Úkimeti qaýlysy­nyń jobasyn usynady.
11. Memlekettik shekara arqyly ótkizý pýnk­tin ornatý týraly Qazaqstan Respýblıkasynyń Úkimeti qabyldaǵan sheshim obektilerdi joba­laý­ǵa, salýǵa (qaıta jańartýǵa), jaılastyrýǵa jáne ótkizý pýnktin tehnıkalyq jaraqtan­dyrýǵa qarjylandyrýdy ashý, kólik, ınjener­lik jáne áleýmettik-turmystyq ınfraqurylym qurý jáne damytý úshin, sondaı-aq onda baqy­laý organdarynyń bólimshelerin qurý úshin negizdeme bolyp tabylady.
3. Ótkizý pýnktteriniń jumys isteý tártibi
12. Keden odaǵynyń syrtqy shekarasynda avtomobıldik ótkizý pýnktin ornatý týraly Úkimettiń sheshimi qabyldaǵannan keıin Qazaq­stan Respýblıkasy Qarjy mınıstrliginiń Ke­den­­dik baqylaý komıteti, Qazaqstan-Reseı mem­lekettik shekarasyndaǵy avtomobıldik ótkizý pýnktin ornatý boıynsha - Qazaqstan Respýblıkasy Ulttyq qaýipsizdik komıtetiniń Shekara qyzmeti, al temir jol, áýe jáne teńiz (ózen) ót­kizý pýnktterin ornatý boıynsha - Qazaqstan Res­pýblıkasy Kólik jáne kommýnıkatsııa mı­nıstr­ligi ótkizý pýnktin jobalaý, salý (qaıta qurý), jabdyqtaý jáne tehnıkalyq jaraqtan­dy­rý jó­nin­de tapsyrys berýshiniń fýnktsııasyn atqarady.
13. Tapsyrys berýshi múddeli memlekettik organdar usynystarynyń negizinde «Qazaqstan Respýblıkasynyń sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasynyń Zańynda belgilengen tártippen ótkizý pýnktin jobalaýdy jáne salýdy, sondaı-aq ótkizý pýnktin salý (qaıta qurý) aıaqtalǵannan keıin aıaqtalǵan obektini qabyldaýdy qamtamasyz etedi.
14. Memlekettik shekara arqyly ótkizý pýnkt­terin jabdyqtaý jáne ustaý teńgeriminde osy ótkizý pýnkti bolatyn memlekettik organǵa júkteledi.
15. Ótkizý pýnktiniń jalpy jumys tártibi (jumystyń bastalý jáne aıaqtalý ýaqyty, teh­no­logııalyq úzilisteri, kesteleri, Memlekettik shekara arqyly júretin kólik quraldary men júk­terdiń qozǵalys kesteleri) halyqaralyq kelisim­men nemese kólik uıymdary ákimshi­ligi­men (áýe­jaıdyń, teńiz nemese ózen port­tary­nyń, shekara­lyq temir jol vokzalynyń, stants­ııa­lardyń jáne ózge de kólik kásiporyndarynyń bastyqtarymen) kelisim boıynsha baqylaý organdary basshy­larynyń birlesken sheshimimen bekitiledi.
Ótkizý pýnktiniń jalpy jumys tártibi shekaralas memleketterdiń shekara ókilderimen kelisiledi.
16. «Qazaqstan Respýblıkasyndaǵy keden isi týraly» 2010 jylǵy 30 maýsymdaǵy Qazaqstan Respýblıkasynyń Kodeksine sáıkes bajsyz saýda dúkenderin qospaǵanda, Qazaqstan Respýb­lıkasynyń Memlekettik shekarasy arqyly ótkizý pýnktterinde qyzmet kórsetý salasynyń obektilerin ornalastyrýǵa ruqsat etilmeıdi.
17. Naqty ótkizý pýnktteriniń jergilikti jaǵdaılaryn eskere otyryp, baqylaý organdary basshylarynyń birlesken sheshimderimen jáne kólik uıymdary ákimshilikteriniń kelisimi boıynsha ótkizý pýnktinde Qazaqstan Respýblı­kasynyń Memlekettik shekarasy arqyly jeke tulǵalardy, kólik quraldary men júkterdi ótkizýdiń birlesken tehnologııalyq shemalary qoldanysqa engiziledi.
Qazaqstan Respýblıkasy memlekettik organ­darynyń adamdar, kólik quraldary men júkter Qazaqstan Respýblıkasynyń Memlekettik shekarasynan ótetin kezde olardy ótkizý pýnktte­rin­de baqylaýdy júrgizgen kezde ózara is-qımyl tártibi memlekettik baqylaýshy organdardyń birlesken aktisimen aıqyndalady.
18. Baqylaý organdary men kólik uıym­darynyń ákimshilikteri ótkizý pýnktterinde ózderiniń qyzmetin mynadaı negizgi baǵyttar boıynsha úılestiredi:
1) ótkizý pýnktinde qalyptasqan jaǵdaıdy birlesip taldaý, jolaýshy jáne júk aǵynda­ry­nyń ózgerýi boıynsha úrdisterdi, jeke tulǵa­lar­dyń Memlekettik shekaradan ótý jáne shekara arqyly kólik quraldary men júkterdi ótkizý erejelerin yqtımal buzýshylyqtardy boljaý;
2) ótkizý pýnktiniń jumysyn jetildirý jóninde usynystar ázirleý jáne iske asyrý;
3) Qazaqstan Respýblıkasynyń Memlekettik shekarasy arqyly ótýdiń birlesken tehnolo­gııa­lyq shemalary men ózara is-qımyl josparlaryn ázirleý jáne bekitý.
4. Ótkizý pýnktiniń jabylý tártibi
19. Ótkizý pýnkti ýaqytsha nemese tolyq jabylýy múmkin.
20. Ótkizý pýnktin ýaqytsha jabý mynadaı:
1) Qazaqstan Respýblıkasy Úkimetiniń sheshimi boıynsha tótenshe jaǵdaılar, dúleı apat­tar, tehnogendik sıpattaǵy ahýaldar, adam­dar­dyń ka­ran­tındik jáne asa qaýipti ınfek­tsııa­lyq aýrý­lary­nyń jáne/nemese Halyqaralyq epızootıka­lyq bıýro tizimine engizilgen janýarlar aýrý­lary­nyń, karantındik zııaıkesterdiń, ósimdik aýrý­lary­nyń nemese aramshópterdiń taralý qaýpi jaǵ­daıynda jáne kólik qatynasyn júzege asyrýǵa nemese baqylaý organdarynyń jumys isteýine múm­kindik bermeıtin basqa da jaǵdaılarda, sanı­tar­lyq-epıdemıologııalyq ahýal nasharlaǵan jaǵdaılarda;
2) ótkizý pýnktin salý (qaıta jańartý) kór­setilgen ótkizý pýnktinde memlekettik baqylaý­dy júrgizýge kedergi keltirgen jaǵdaıda júrgiziledi.
Qajetti jaǵdaılarda (Memlekettik shekarany buzýshylardy izdegen, ótkizý pýnkti aýdanyndaǵy krımınogendik ahýal shıelenisken jaǵdaılarda, sanıtarııalyq-epıdemıologııalyq ahýal nasharlaǵan jaǵdaıda jáne el aýmaǵyna juqpaly jáne parazıttik aýrýlardyń ákelinýin boldyrmaý maqsatynda) Qazaqstan Respýblıkasy Ulttyq qaýipsizdik komıtetiniń tóraǵasymen, Qazaqstan Res­pýblıkasy Bas memlekettik sanıtarııalyq dá­ri­geri­men kelisim boıynsha Shekara qyzmeti dı­rek­torynyń sheshimimen Qazaqstan Respýblıka­sy­nyń shekara ókilderi shekaralas taraptyń ókilderin habardar ete otyryp, naqty ótkizý pýnktiniń jumysyna ýaqytsha shekteýler engizilýi múmkin.
21. Qazaqstan Respýblıkasynyń halyqara­lyq sharttarynda kózdelgen tártippen ótkizý pýnktin ýaqytsha jabý týraly sheshimdi qabyldaý nemese buzý týraly Qazaqstan Respýblıkasymen shekaralas memleketterge, al qajet bolǵan jaǵdaıda - basqa da múddeli memleketterge dıplomatııalyq arnalar boıynsha habarlanady.
22. Ýaqytsha jabylatyn ótkizý pýnktiniń ju­mysy qaıta bastalǵanǵa deıin baqylaý or­gan­da­rynyń qurylymdyq bólimsheleri taraty­lýǵa jatpaıdy jáne ózderi baǵynatyn tıisti basshy­lar­dyń sheshimi boıynsha qyzmetti júzege asyrady.
23. Mynadaı:
1) Qazaqstan Respýblıkasynyń Memlekettik shekarasy arqyly kólik qatynasyn toqtatý týraly Qazaqstan Respýblıkasy halyqaralyq sharttarynyń kúshine enýi;
2) Qazaqstan Respýblıkasy qatysýshysy bolyp tabylatyn tıisti halyqaralyq shartqa óz­gerister engizý ne ótkizý pýnktiniń odan ári jumys isteýiniń orynsyzdyǵy nemese múmkin bolmaı­tyndyǵy týraly Qazaqstan Respýblıka­synyń múd­deli memlekettik organdarynyń, ob­lystardyń jergilikti atqarýshy organdary­nyń usynymy bo­ıynsha Qazaqstan Respýblı­kasynyń odan shyǵýy;
3) Qazaqstan Respýblıkasy qatysýshysy bolyp tabylatyn tıisti halyqaralyq sharttan qatysýshy memlekettiń shyǵýy negizinde ótkizý pýnkti tolyǵymen jabylýy múmkin.
24. Ótkizý pýnktin tolyq jabý kezinde jabýdyń bastamashysy ótkizý pýnktin jabý týraly barlyq múddeli memlekettik organdarmen kelisilgen qorytyndy daıyndaıdy jáne ony Úkimettiń qaraýyna engizedi.
Qazaqstan Respýblıkasy Úkimetiniń ótkizý pýnktin jabý týraly sheshimi ótkizý pýnktiniń qyzmetin toqtatý úshin negiz bolyp tabylady.