QR Memlekettik ortalyq murajaıyn byltyr 130 myń adam tamashalady
ALMATY. 11 mamyr. QazAqparat - «Biz Almatyda jumys isteıtin barlyq týrıstik kompanııalarmen kelisim-shart jasastyq», - dedi QR Memlekettik ortalyq mýzeıi dırektorynyń 1-orynbasary Beıbitqalı Qaqabaev búgin «Mýzeı túnine» sharasy týraly baspasóz
máslıhaty kezinde.
«Almatyǵa kelgen týrısterdiń kóbi bizge soqpaı ketpeıdi. Ótken jyly munda 130 myń adam keldi. Oqýshylar men stýdentter sany birkelki. 7-8 jyl buryn olar kóp keletin. Qazir qaıtadan baıaý bolsa da ósý úderisi júrip jatyr», - deıdi B.Qaqabaev. Beıbitqalı Smaǵululynyń aıtýynsha, buryn qazaq mektepteriniń oqýshylary murajaıǵa az keletin. Qazir olardyń úlesi orys mektepterimen teńesti. 300 myńnan astam jádigeri jáne 150 jylǵa jýyq tarıhy bar bul mádenıet ordasy Qazaqstandaǵy eń baıyrǵy jáne eń iri murajaı sanalady.
B.Qaqabaev: «Sońǵy 10 jylda murajaı óziniń ǵylymı-zerteý áleýetin kóterýge barynsha kúsh-jigerin jumsaýda. Sonyń nátıjesinde «Mádenı mura» ulttyq strategııalyq jobasy aıasynda 2005-2007 jyldardaǵy birinshi kezeńinde - 7, 2008-2011 jyldardaǵy ekinshi kezeńinde - 6 ǵylymı-zertteý joba júzege asyryldy. Qazir endi taǵy 5 jobany iske asyryp jatyrmyz. Olar óz jemisin bere bastady», - degendi aıtty.
