QR Memlekettik qyzmet isteri mınıstrliginde tórt Qoǵamdyq keńes komıssııasy quryldy
ASTANA. QazAqparat - QR Memlekettik qyzmet isteri mınıstrliginde tórt Qoǵamdyq keńes komıssııasy quryldy, dep habarlady vedomstvonyń baspasóz qyzmeti.
Otyrys barysynda Qoǵamdyq keńes músheleri komıssııa qyzmetiniń negizgi baǵyttaryn qalyptastyrý, aǵymdaǵy jyldyń jumys josparyna ózgertýler engizý boıynsha máselelerdi qarastyryp, sondaı-aq, mınıstrliktiń qurylymdyq bólimshelerimen jáne vedomstvoǵa qarasty uıymdardyń qyzmetimen tanysty.
«Májilistiń qorytyndysy negizinde Qoǵamdyq keńestiń negizgi baǵyttary boıynsha mınıstrliktiń strategııalyq maqsattaryn júzege asyrý men bıýdjettik baǵdarlamalardyń oryndalýyna monıtorıngi; memlekettik qyzmet pen memlekettik qyzmet kórsetý salasyn jetildirý máseleleri; sybaılas jemqorlyqqa qarsy is-qımyl máseleleri boıynsha memlekettik organdardyń qyzmetin taldaý; ádep erejesi men ádep jónindegi ýákil máseleleri boıynsha 4 komıssııa qalyptastyryldy», - delingen habarlamada.
.Komıssııa tóraǵalary bolyp memlekettik qyzmet salasyna eńbegi sińgen qyzmetkeri Qarabolat Nurtazın, Qazaqstan Respýblıkasynyń Prezıdenti janyndaǵy memlekettik basqarý Akademııasynyń memlekettik basqarý men memlekettik qyzmet kafedrasynyń professory Zınaıda Fedotova, Qazaqstan Respýblıkasy Parlamenti Senatynyń depýtaty Georgıı Kım jáne Qazaq gýmanıtarlyq-quqyq ýnıversıtetiniń professory, Qazaqstan Respýblıkasynyń Prezıdenti janyndaǵy raqymshylyq jasaý komıssııasynyń múshesi Tólesh Qaýdyrov saılandy.
Bul tusta, jańa zańnamalardyń talaptaryna sáıkes, keńes músheleri «Ádep jónindegi ýákildiń qyzmetiniń keıbir máseleleri týraly» buıryq jobasyn talqylady.
Qazirgi tańda barlyq ortalyq memlekettik organdarda jáne oblys ákimdikterinde Ádep jónindegi ýákilder taǵaıyndalǵan, olarǵa memlekettik qyzmetshilerdiń moraldyq-ádeptilik normalaryn saqtaýyn qadaǵalaýǵa mindettelgen. Ádep jónindegi ýákilderge memlekettik qyzmetshilerge memlekettik qyzmet salasyndaǵy zańnamanyń talaptaryn saqtaý máseleleri boıynsha konsýltatsııalyq kómek kórsetýge, memlekettik qyzmetshilerdiń quqyqtary men zańdy múddelerin qorǵaýǵa jáne ujymdaǵy moraldik-psıhologııalyq jaǵdaıdy zertteýge quzyrettilik berilgen..
Koǵamdyq keńestiń otyrystarynyń qorytyndylary jónindegi aqparatty mınıstrliktiń resmı ınternet-resýrsynan alýǵa bolady.
