QR Memlekettik qyzmet isteri agenttiginiń aýmaqtyq departamentteri basshylary laýazymyna «A» korpýsynyń kadr rezervinen taǵaıyndaýlar boldy

ASTANA. 24 shilde. QazAqparat - «A» korpýsynyń memlekettik ákimshilik qyzmetiniń kadr rezervine irikteý jáne «A» korpýsynyń bos jáne ýaqytsha bos memlekettik ákimshilik laýazymyna ornalasýǵa konkýrs ótkizý qaǵıdalaryna» sáıkes kelesi Agenttiktiń aýmaqtyq departamentteri basshylary qaıta taǵaıyndaldy:

Almaty qalasy boıynsha Departamentinde Qamalov Bahtııar Qamaluly, Atyraý oblysy boıynsha Departamentinde Іzbanov Muhıt Kárimuly, Qostanaı oblysy boıynsha Departamentinde Shomanov Asqar Jumabaıuly, Qyzylorda oblysy boıynsha Departamentinde Tursynbaev Ǵalym Sultanuly, Mańǵystaý oblysy boıynsha Departamentinde Ospanov Erkin Amangeldiuly, Pavlodar oblysy boıynsha Departamentinde Óteshev Maqsot Ybyraıuly, Ońtústik Qazaqstan oblysy boıynsha Departamentinde Bekjanov Berik Aıdarbekuly.

Sonymen qatar QR Memlekettik qyzmet isteri agenttigi Tóraǵasy Á. Báımenovtiń buıryǵymen Agenttiktiń birqatar aýmaqtyq departamentteriniń basshylary taǵaıyndaldy.

Qaskın Tilegen Tólegenuly, t.j. 1972, QR Memlekettik qyzmet isteri agenttigi Astana qalasy boıynsha departamentiniń Departament basshysy - Tártiptik Keńes tóraǵasy laýazymyna taǵaıyndaldy. Ol Qorǵan aýylsharýashylyq akademııasyn ekonomıst mamandyǵy boıynsha jáne QR Prezıdenti janyndaǵy Memlekettik basqarý akademııasyn «memlekettik basqarý» mamandyǵy boıynsha aıaqtaǵan. Jalpy jumys ótilimi - 18 jyl, onyń ishinde 9 jyl saıası qyzmette. Osy kezge deıin QR Memlekettik qyzmet isteri agenttigi SQO boıynsha Departamentiniń basshysy - Tártiptik Keńes tóraǵasy laýazymyn atqaryp keldi.

Álibekov Qanat Tynybaıuly, t.j. 1963, QR Memlekettik qyzmet isteri agenttigi Aqmola oblysy boıynsha departamentiniń basshysy - Tártiptik Keńes tóraǵasy laýazymyna taǵaıyndaldy. «Jiger sút zaýyty» JShS-niń dırektory, «Sary dala» JShS-niń bas dırektory, Almaty oblysynyń Taldyqorǵan qalasy ákiminiń orynbasary, Almaty qalasynyń Bostandyq aýdany ákiminiń orynbasary jáne Almaty oblysy Qarasaı aýdany ákiminiń apparat basshysy qyzmetterin atqarǵan.

Qadyrbek Murat Bolatuly, t.j. 1980, QR Memlekettik qyzmet isteri agenttigi Soltústik Qazaqstan oblysy boıynsha departamentiniń basshysy - Tártiptik Keńes tóraǵasy laýazymyna taǵaıyndaldy. M. Qadyrbek Qaraǵandy oblysynda prokýratýra organdarynda, Shyǵys Qazaqstan oblysynda sot qyzmetin atqaryp, osy kezge deıin QR Memlekettik qyzmet isteri agenttigi Almaty oblysy boıynsha departamentiniń basshysy - Tártiptik Keńes tóraǵasy boldy.

Jumaǵulov Toqtamys Qadoshuly, t .j. 1965, QR Memlekettik qyzmet isteri agenttigi Shyǵys Qazaqstan oblysy boıynsha departamentiniń basshysy- Tártiptik Keńes tóraǵasy laýazymyna taǵaıyndaldy. Úsh joǵary bilimi bar, «tarıh, qoǵamtaný jáne keńestik quqyq muǵalimi», «quqyq» jáne «ekonomıka jáne menedjment» mamandyqtary boıynsha bilim alǵan, zań ǵylymdary kandıdaty. Osy kezge deıin QR Memlekettik qyzmet isteri agenttiginiń ortalyq apparatynda Memlekettik qyzmet personalyn basqarý bóliminiń meńgerýshi boldy.

Orazáli Marat Orazáliuly, t.j. 1972, úsh joǵary bilimi bar, ınjener-mehanık, ekonomıst-qarjyger jáne memlekettik qyzmet menedjeri mamandyqtary boıynsha bilim alǵan, QR Memlekettik qyzmet isteri agenttigi Almaty oblysy boıynsha departamentiniń basshysy - Tártiptik Keńes tóraǵasy laýazymyna taǵaıyndaldy. Ár túrli kezeńderde QR Memlekettik qyzmet isteri agenttiginiń qurylymdyq bólimshelerinde: Almaty oblysy jáne Almaty qalasy boıynsha basqarmalar basshysynyń orynbasary, Almaty oblysy boıynsha basqarma basshysy, Agenttiktiń ortalyq apparatynyń Quqyqtyq qamtamasyz etý departamentiniń dırektory qyzmetterin atqardy. Osy kezge deıin QR Premer-Mınıstri Keńsesiniń Baqylaý jáne qujattamalyq qamtamasyz etý bólimi meńgerýshisiniń orynbasary qyzmetin atqardy.