QR Memlekettik qyzmet isteri agenttiginde mansaptyq ósý máselesi talqylandy
ASTANA. 5 sáýir. QazAqparat - 2012 jyldyń 4 sáýirinde Qazaqstan Respýblıkasy Memlekettik qyzmet isteri agenttiginde «Mansaptyq josparlaý: jaı-kúıi, máseleleri men keleshegi» taqyrybyna dóńgelek ústel ótti»,
dep habarlady agenttiktiń baspasóz qyzmetinen.
Іs-sharaǵa Prezıdent Ákimshiligi, Premer-Mınıstr Keńsesiniń, Memlekettik qyzmet isteri agenttiginiń, Qazaqstan Respýblıkasy Prezıdenti janyndaǵy Memlekettik basqarý akademııasynyń ókilderi, memlekettik organdardyń kadr qyzmetteriniń jetekshileri, halyqaralyq sarapshylar, jeke sektor, onyń ishinde HR menedjerler qaýymdastyǵynyń ókilderi qatysty.
Elbasynyń 2011 jylǵy shildedegi Jarlyǵymen bekitilgen Memlekettik qyzmettiń jańa modeli tujyrymdamasyna sáıkes mansaptyq josparlaý júıesin engizý memlekettik qyzmetti kásibılendirýdiń basym baǵyttarynyń biri bolyp tabylady. Memlekettik qyzmetshiniń mansaptyq ósýin yntalandyrý júıesiniń quramdas bóligi bolyp tabylady. Ol belgilengen áleýmettik jáne laýazymdyq mártebege ilgerileýdi bildiredi jáne memlekettik qyzmetshiniń biliktilik deńgeıi men jumys tájirıbesin anyqtaıdy. Tujyrymdamada memlekettik qyzmetshiniń qyzmette joǵarylaýy, onyń atqaratyn laýazymyndaǵy jumysynyń tıimdiligin baǵalaý nátıjelerine negizdeledi dep kórsetilgen.
Budan ózge, memlekettik qyzmetshiniń qyzmette joǵarylaý múmkindikterine qanaǵattaný dárejesi ortalyq memlekettik jáne jergilikti atqarýshy organdardaǵy personaldy basqarý tıimdiligi kórsetkishteriniń biri bolyp tabylady. Qyzmette joǵarylaýdy josparlaý júıesin engizý osy uǵymdy zańnamalyq deńgeıde bekitýdi jáne «kareralyq joǵarylaý» ólshemderin normatıvtik aıqyndaýdy qajet etedi. Dóńgelek ústel qatysýshylary memlekettik qyzmetshilerdiń qyzmette joǵarylaýyn josparlaýdyń ǵylymı jáne praktıkalyq tásilderin, halyqaralyq tájirıbesin talqylady, sondaı-aq qyzmette joǵarylaý júıesin engizý men damytý boıynsha usynystar jasady.
