QR Memlekettik qyzmet isteri agenttiginde Eýropalyq Odaqtyń jobasy aıasynda pikiralmasýlar júrip jatyr
ASTANA. 17 aqpan. QazAqparat - Memlekettik qyzmet isteri agenttiginiń qyzmetkerleri Eýropalyq Odaqtyń jobasy aıasynda quqyqtyq máseleler jónindegi sarapshymen kezdesti.
«Qazaqstan Respýblıkasynyń memlekettik qyzmetin reformalaý jáne jańǵyrtý» atty Eýropalyq Odaq jobasyn iske asyrýdyń belsendi kezeńi bastaldy. Jobanyń birinshi komponenti Memlekettik qyzmettiń jańa modeli tujyrymdamasy sheńberinde zańnamalyq jáne basqa normatıvtik quqyqtyq aktilerdi ázirleýde agenttikke saraptamalyq qoldaý kórsetýdi qamtıdy»,-delingen atalǵan agenttiktiń málimetinde.
Taıaýda joǵaryda aıtylǵan jobanyń aıasynda agenttikke Bolgarııadan quqyqtyq máseleler jónindegi sarapshy Georgıı Stoımenov keldi. Sarapshynyń kelý maqsaty - «Memlekettik qyzmet týraly» zańdy ázirleýde konsýltatıvtik qoldaý kórsetý jáne osy máseleni talqylaý jónindegi jıyndarǵa qatysý.
Budan bólek, Agenttiktiń Memlekettik qyzmetti quqyqtyq qamtamasyz etý departamentiniń dırektory A.Haıdarovtyń sarapshy G.Stoımenovpen kezdesýi ótti. Kezdesý barysynda zańdy ázirleýdiń negizgi baǵyttary talqylandy.
