QR Memlekettik qyzmet isteri agenttiginde bir orynǵa 40 adam úmitker - konkýrs
ASTANA. 28 tamyz. QazAqparat - Qazaqstan Respýblıkasynyń Memlekettik qyzmet isteri Agenttiginde bir bos ákimshilik memlekettik laýazym úshin konkýrsqa qatysýǵa ortasha alǵanda, 40 adam tilek bildirdi, dep haıýarlad vedomstvonyń baspaóz qyzmeti.
Baıqaý bıyl jeti laýazym boıynsha 2012 jylǵy 9 tamyz kúni jarııalanǵan.
Eń kóp úmitker Inspektsııa jáne baqylaý bóliminiń memlekettik qyzmet kórsetý isin baǵalaý jáne baqylaý sektorynyń sarapshysy laýazymy (66 kandıdat) jáne Qyzmetkerler quramyn basqarý, qujattyq qamtamasyz etý jáne qadaǵalaý bóliminiń bas sarapshysy (42 kandıdat) laýazymdary boıynsha qujat tapsyrdy.
Konkýrstyń alǵashqy kezeńine jiberilgen barlyq kandıdattar qujattardy qabyldaý ýaqyty aıaqtalǵannan keıin bes jumys kúni aralyǵynda Qazaqstan zańnamasy boıynsha bilimin tekserý boıynsha mindetti túrde kompıýterlik testileýden ótedi.
Memlekettik qyzmetke konkýrstyq irikteý tártibin jetildirý jáne onyń ashyqtyǵyn arttyrý maqsatynda konkýrstyq irikteýdiń ekinshi kezeńine -kandıdattarmen áńgimelesýge baqylaýshy retinde qatysýǵa qoǵam jáne BAQ ókilderi shaqyrylady. Testileý men áńgimelesýdi ótkizý merzimi men ýaqyty Agenttiktiń veb-saıtynda jarııalanady.
