QR Memlekettik qyzmet isteri agenttiginde «A» korpýsy memlekettik ákimshilik qyzmettiń kadr rezervine irikteý máseleleri talqylandy
ASTANA. 26 sáýir. QazAqparat - 2013 jylǵy 26 sáýirde Qazaqstan Respýblıkasy Memlekettik qyzmet isteri agenttiginde «A» korpýsy memlekettik ákimshilik qyzmettiń kadr rezervine irikteý máseleleri boıynsha semınar-keńes ótti. Bul týraly vedomstvonyń baspasóz qyzmetinen habarlady.
Semınar-keńeske 29 memlekettik organdardyń personaldy basqarý qyzmetiniń jáne Astana qalasy ákimdiginiń qyzmetkerleri, sondaı-aq Eýropalyq odaqtyń Qazaqstandaǵy ókildiginiń sarapshylary qatysty.
Semınar barysynda Qazaqstan Respýblıkasy Memlekettik qyzmet isteri agenttigi Tóraǵasynyń orynbasary Á. Kómekbaev pen Memlekettik qyzmetti ótkerý bóliminiń meńgerýshisi T. Jumaǵulov baıandama jasady.
Semınar-keńes qatysýshylarymen «A» korpýsy memlekettik ákimshilik qyzmettiń kadr rezervine irikteý men qalyptastyrý máseleleri qaraldy.
Sonymen qatar, semınarda memlekettik qyzmet týraly zańdaǵy ózgeristerdi iske asyrý máseleleri talqylandy.
Beısen Sultan
