QR Memlekettik qyzmet isteri agenttigi 147 mamandy qysqartty

ASTANA. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiginde 147 kadr qysqartyldy. Bul jóninde vedomstvo alqasynyń keńeıtilgen otyrysynda agenttik tóraǵasy Alık Shpekbaev baıandady, dep habarlaıdy QazAqparat tilshisi.

«Eńbek aqysyn tóleýdiń jańa júıesi kóptegen ózgertýlerge jol ashty. Basym kópshiligińiz uıymdaǵy 80 paıyz jumysty qyzmetkerlerdiń 20 paıyzy jasaýy tıis tártipti bilesizder. Bul memlekettik qyzmet úshin de ádiletti dep oılaımyn. Jarty jyl buryn bos oryndar men moratorııdiń arqasynda agenttiktiń ortalyq apparaty qyzmetkerleriniń 30 paıyzy, aımaqtyq bólimshelerinde 10 paıyzy iske qosyldy jáne bul kórsetkishti 20 paıyzǵa jetkizý oıda bar. Keshe biz basshylarmen aldyn ala kezdesip, sheshimi áli tabyla qoımaǵan mańyzdy máselelerdi talqyladyq. Jalpy, bul baǵytty qoldaımyz. Barlyq qarjy, únemdeý de eńbekaqyny kóterýge jumsalady», - dedi A. Shpekbaev.

Onyń aıtýynsha, qabyldanǵan sharalar agenttiktiń ortalyq apparaty qyzmetkerleriniń eńbekaqysyn 60 paıyzǵa kóterýge múmkindik bergen. Agenttiktiń jalpy 147 shtattyq birligi qysqartyldy. Qarjylaı 432 mıllıon teńge únemdeldi.

Sondaı-aq, agenttik tóraǵasy júrgizilip jatqan ońtaılandyrýǵa qaramastan, jumys toqtamaǵanyn aıta ketti. Kerisinshe, qyzmetkerler ekonomıkalyq turǵydan yntalana túsken.