QR Memlekettik kúzet qyzmeti bir kúndik jalaqysyn qaza tapqan qyzmetkerlerdiń otbasylaryna bóldi

NUR-SULTAN. QazAqparat – QR Memlekettik kúzet qyzmeti bir kúndik jalaqysyn qaza tapqan qyzmetkerlerdiń otbasylaryna jiberedi, dep habarlaıdy QazAqparat tilshisi.

«Qazaqstan Respýblıkasy Memlekettik kúzet qyzmetiniń basshylyǵy men jeke quramy kúshtik qurylymdar qaza tapqan qyzmetkerleriniń ata-anasyna jáne týǵan-týystaryna qaıǵyryp, kóńil aıtady. Beıbit halyqty qorǵaý kezindegi olardyń erligi men janqııarlyq batyrlyǵy – qyzmettik boryshty atqarý men antqa adaldyqtyń úlgisi!», - dep jazylǵan Memlekettik kúzet qyzmeti saıtynda .

«Olardyń erligi árqashan bizdiń júregimizde bolyp, keıingi jas urpaqty tárbıeleý isinde úlgi bolady! Moraldyq qoldaý jáne materıaldyq kómek kórsetý maqsatynda, QR Memlekettik kúzet qyzmeti bir kúndik jalaqysyn qaza tapqan qyzmetkerlerdiń otbasylaryna jiberedi», - delingen habarlamada.