QR Memlekettik hatshysy-Syrtqy ister mınıstri Q. Saýdabaev AQSh-qa sapary sheńberinde Kongrestegi Helsınkı komıssııasynda sóz sóıledi jáne birqatar kezdesýler ótkizdi
ASTANA. Aqpannyń 3-i. QazAqparat. Keshe, aqpannyń 2-de Vashıngtonǵa sapary aıasynda Qazaqstan Respýblıkasynyń Memlekettik hatshysy-Syrtqy ister mınıstri Q. Saýdabaev AQSh-qa sapary sheńberinde Kongrestegi Helsınkı komıssııasynda sóz sóılep, AQSh Prezıdentiniń Ulttyq qaýipsizdik jónindegi keńesshisi Dj.Djonspen, Memlekettik hatshynyń saıası máseleler jónindegi orynbasary Ý. Bernspen, AQSh Prezıdentiniń Aýǵanstan jónindegi arnaıy ókili R. Holbrýkpen kezdesti,
dep habarlaıdy SІM baspasóz qyzmeti.
Kongreste sóılegen sózinde (tolyq mátindi QR SІM saıtynan alýǵa bolady) Q. Saýdabaev Uıymdy nyǵaıtýǵa talpynysyn, fýndamentaldi qaǵıdattary men qundylyqtaryna qaltqysyz berilgendigine toqtala otyryp, Astananyń EQYU-daǵy tóraǵalyǵynyń basty qaǵıdattarynan habardar etti. Prezıdent N. Nazarbaevtiń bedeldi halyqaralyq uıymnyń damýyna jańa serpin beretin shara retinde EQYU Sammıtin ótkizý týraly bastamasyna Helsınkı komıssııasynyń qoldaý kórsetýi mańyzdy ekendigine toqtaldy. Komıssııa tóraǵalary men teń tóraǵalary senator B.Kardın men kongresmen E.Hastıngstiń, Kongress músheleri E.Falemavaegı jáne D.Aıssa baıandamalarynda Sammıt týraly usynystyń muqııat qarastyrýdy jáne júzege asyrýy qajet ekendigi atap ótildi. Buǵan qosa Sammıtke qoldaý retinde eki el Prezıdentteri - Barak Obama men Nursultan Nazarbaevtyń atyna AQSh Kongress músheleri arnaıy joldaý jiberilgendigi jarııa etildi. Aq úı jáne Memlekettik departamenttegi kezdesýlerde qazaq-amerıkan strategııalyq qatynastarynyń bolashaǵy men damýy onyń ishinde Qazaqstannyń EQYU-daǵy tóraǵalyq aıasyndaǵy qatynastary sóz boldy. Taraptar bıyl sáýirde Aq úı basshysy shaqyrýymen ıAdrolyq qaýipsizdik jónindegi ǵalamdyq Sammıtke qatysý maqsatynda ótetin Prezıdent N. Nazarbaevtyń Vashıngtonǵa sapary eki jaqty qatynastarǵa jańa serpin beretindigi týraly ortaq pikirge toqtady. Dj.Djonspen bolǵan kezdesýde B. Obama ákimshiligi syrtqy saıasatynyń mańyzdy máselesi bolyp tabylatyn Aýǵanstandaǵy jaǵdaıdy turaqtandyrýǵa qatysty eki el yqpaldastyǵyn damytý máseleleri talqylandy. Aýǵanstan máselesi jáne óńirlik jaǵdaı Ý.Berns jáne R.Holbrýkpen bolǵan kezdesýlerde de erekshe nazarda boldy.
Sol kúnniń aıaǵyna qaraı qazaqstandyq syrtqy saıasat vedomstvosynyń basshysy qurmetine bedeldi amerıkandyq zań shyǵarýshy mekeme, ákimshilik ókilderi qoǵamdyq-saıası qaıratkerler, Vashıngtonda tirkelgen dıplomatııalyq mıssııalar basshylary qatysýymen qabyldaý ótti.
Aqpannyń 3-de sapar baǵdarlamasy aıasynda Q. Saýdabaev AQSh Úkimeti basshylarymen kezdesip, osy eldegi ǵylymı-zertteý ortalyǵy - Atlant keńesinde «Eýrazııadaǵy geosaıasat» taqyrybynda sóz sóıledi.
