QR Memlekettik hatshysy sybaılas jemqorlyqqa qarsy monıtorıngti ýaqytyly ótkizýdi tapsyrdy (FOTO)

ASTANA. QazAqparat - QR Memlekettik hatshysy Gúlshara Ábdiqalyqovanyń tóraǵalyǵymen QR Prezıdenti janyndaǵy Sybaılas jemqorlyqqa qarsy kúres máseleleri jónindegi komıssııanyń otyrysy ótti.

Otyrys barysynda «Óńirlerdi damytý 2020 jylǵa deıingi baǵdarlamasyn», «Agrobıznes-2020» Qazaqstan Respýblıkasynda agroónerkásiptik keshendi damytý jónindegi 2013-2020 jyldarǵa arnalǵan baǵdarlamany» iske asyrýdyń zańdylyǵyn saqtaý men tıimdiligi máseleleri qaraldy.

Memlekettik hatshy qaralatyn baǵdarlamalar halyqtyń tynys-tirshiligi úshin qolaıly jaǵdaılar jasaýǵa, áleýmettik máselelerdi sheshýge, aýyz sýmen qamtamasyz etýge , qazaqstandyq ónimniń básekege qabilettiligin arttyrýǵa jáne aýyl sharýyshylyǵyn qarjylyq saýyqtyrýǵa baǵyttalǵanyn atap ótti. Bul rette Memleket basshysynyń tapsyrmasyna oraı ortalyqta da, sondaı-aq jergilikti jerlerde de baǵdarlamanyń erejelerin der kezinde ári tıimdi oryndaý mańyzdy.

Atap aıtqanda, jıynda Bas prokýror Ashat Daýylbaev, Aýyl sharýashylyǵy mınıstri Asyljan Mamytbekov, Ulttyq ekonomıka vıtse-mınıstri Qaıyrbek Óskenbaev baıandama jasady.

Baǵdarlamalardy iske asyrý kezinde sybaılas jemqorlyq quqyq buzýshylyqtaryna yqpal etetin sebepter men jaǵdaılardy joıý úshin Komıssııa tarapynan Ulttyq ekonomıka jáne Aýyl sharýashylyǵy mınıstrlikterine, kvazımemlekettik sektor sýıýbektilerine, jergilikti atqarýshy organdarǵa tıisti taldaý júrgizý usynyldy.

G. Ábdiqalyqova «Sybaılas jemqorlyqqa qarsy is-qımyl týraly» Zańǵa sáıkes sybaılas jemqorlyqqa qarsy monıtorıngti ýaqyty ótkizýdiń qajettigin qadap aıtty. Bul óz kezeginde zań buzyshylyqtardyń aldyn alýǵa múmkindik beredi.

Munymen qosa, otyrys qorytyndysy boıynsha Komıssııa memlekettik organdarǵa naqty usynymdar men tapsyrmalardy júktedi.