QR Memlekettik hatshysy «Qulan Astana» qoǵamdyq birlestigi uıymdastyrǵan qaıyrymdylyq sharasyna qatysty
Іs-sharaǵa Syrtqy ister vıtse-mınıstri A.Volkov, Qazaqstannyń Shtýtgarttaǵy qurmetti konsýly D.Haller-Laıble, Astana qalasy ákiminiń orynbasary E.Amanshaev, «Qulan Astana» QB basqarmasynyń tóraıymy L.Mahat, mádenıet mekemeleriniń ókilderi qatysty.
Іs-sharanyń ashylýynda sóılegen Memlekettik hatshy Qazaqstan Prezıdenti usynǵan Ult josparyn iske asyrý aıasynda qazaqstandyq birtektilik pen birlikti, qaıyrymdylyqtyń rýhanı-adamgershilik qundylyqtaryn nyǵaıtýǵa jáne damytýǵa baǵyttalǵan «Qaıyrymdylyq týraly» zań qabyldanǵanyn atap kórsetti. Memlekettik hatshy qaıyrymdylyqtyń qoǵamdaǵy rýhanı-adamgershilik mádenıettiń damý deńgeıi kórsetkishteriniń biri bolyp sanalatynyna nazar aýdaryp, is-sharanyń Qazaqstan men Germanııa arasyndaǵy mádenı-gýmanıtarlyq yntymaqtastyqty odan ári keńeıtý baǵytyndaǵy mańyzdylyǵyn aıtty.
Іs-shara barysynda 2005 jyldan beri Baden-Vıýrtemberg federaldy jerinde elimizdiń múddelerine ókildik etip júrgen Qazaqstannyń Shtýtgardtaǵy qurmetti konsýly D.Haller-Laıble erekshe qamqorlyqqa muqtaj balalardyń beıneleý óneri stýdııasyna qaıyrymdylyq kómek (5 myń evro kólemindegi aqshalaı sertıfıkat) berdi.
G.Ábdiqalyqova «Qulanshy» qazirgi zamanǵy óner ortalyǵyn aralaý barysynda erekshe qamqorlyqqa muqtaj balalarǵa arnalǵan beıneleý óneri stýdııasynda shuǵyldanatyn jetkinshekterdiń óner týyndylary kórmesimen tanysty.
Qazaqstannyń belgili sýretshisi L.Mahattyń 2009 jyldan beri iske asyryp kele jatqan qaıyrymdylyq jobasynyń maqsaty erekshe qamqorlyqqa muqtaj balalar shyǵarmashylyǵyna qoldaý kórsetý jáne damytý, olardyń áleýmettik beıimdelýine, óskeleń urpaqtyń rýhanı-patrıottyq baǵytta tárbıelenýine kómektesý bolyp tabylady.
