QR Memlekettik hatshysy «Qorqyt Ata» memorıaldyq kesheninde jáne «Jyraýlar úıinde» boldy
QYZYLORDA. QazAqparat - Búgin Qyzylordaǵa Qazaqstan Respýblıkasynyń Memlekettik hatshysy Gúlshara Ábdiqalyqova jáne Qazaqstan halqy Assambleıasy tóraǵasynyń orynbasary Darhan Myńbaı bastaǵan delegatsııa keldi.
Delegattar Birinshi Aral halyqaralyq forýmyna qatysyp, «Qorqyt Ata» memorıaldyq kesheninde jáne Josaly kentindegi «Jyraýlar» úıinde, Qarmaqshy aýdandyq tarıhı-ólketaný mýzeıinde bolyp, shyǵarmashylyq zııaly qaýym ókilderimen kezdesti, dep habarlady QazAqparat tilshisi oblystyq ákimdikke silteme jasap.
«Qorqyt Ata» atyndaǵy memorıaldyq keshen men «Baıqońyr» ǵarysh aılaǵy Halyqaralyq «EKSPO-2017» kórmesi aıasynda týrıster keletin nysandardyń tizimine engen. Mártebeli meımandar keshenniń zııarat etý ortalyǵy men murajaıyn aralap kórdi.
Qarmaqshy - áıgili jyrshy, jyraýlarymen dańqy shyqqan aýdan. Gúlshara Ábdiqalyqova men Darhan Myńbaı aımaqtaǵy dástúrli óner tarıhymen tanysyp, jas jyraýlardyń ónerin tamashalady. Sodan soń qurmetti qonaqtar aldynda ataqty jyraýlar - Bıdas Rústembekov pen Almas Almatov óner kersetti. QR Memlekettik hatshysy jergilikti ónerpazdardyń ónerin joǵary baǵalady.
Sondaı-aq, shyǵarmashylyq zııaly qaýym ókilderimen kezdesýde Elbasynyń «Bolashaqqa baǵdar: rýhanı jańǵyrý» atty maqalasy jáne ulttyq mádenıet pen ónerdi damytý máseleleri keńinen talqylandy.
